Bolalar jismoniy tarbiyasi

 
Amaliy metodga oid usullar 
Bolalarni harakatga о‘rgatishda tarbiyachi kо‘rgazmali va og‘zaki usullar 
bilan 
о‘zaro bog‘liq turli amaliy usullar majmuasidan foydalanadi.
U mashqlarni, harakatli о‘yinlardagi ayrim rollarni, boshqaruvchi rolini bajarib 
kо‘rsatadi, bolalarni topshiriqlarga jalb qilib va namuna kо‘rsatib ularni 
musobaqalarda qatnashishga rag‘batlantiradi. Masalan, kim harakatli topshiriqni 
tezroq, yaxshiroq, tо‘g‘riroq bajaradi, u bolalarga о‘zini qanday tutish va qanday 
xatti-harakat qilishni kо‘rsatadi. 
Tarbiyachi bolalarning amaliy faoliyatini tashkil etayotib butun ta’lim 
jarayonini mashg‘ulotning vazifalari, mazmuniga muvofiq rejalab oladi. 
Bolalarga jismoniy harakatlarni о‘rgatishda hamma metod va usullardan 
о‘zaro mujassam holda foydalanish lozim. 
Jismoniy tarbiya jarayonida bolalar harakat malakasi va kо‘nikmasini 
egallab boradilar. 
Harakat malakasi
harakat texnikasini egallash darajasi bilan belgilanadi.
Harakat malakalarining ikki turi farqlanadi: ulardan biri yaxlit harakat faoliyatini 
amalga oshiradi; ikkinchisi ayrim, murakkabligiga kо‘ra turlicha harakatlarda 
ifodalanadi. Birinchi turdagi malakalar о‘yinlar, kurashlar bilan bog‘liq. Ikkinchi 
turdagi harakat malakalari rivojlanish harakat texnikasini dastlabki egallanishidan 
to yuksalishi, aniqrog‘i, takomillashtirilishigacha boradi. 
Harakat kо‘nikmasi
– bu harakat texnikasini egallash darajasi bо‘lib, unda 
harakatlarni boshqarish avtomatik tarzda kechadi va harakatlar о‘zining 
barqarorligi bilan ajralib turadi. 

---

16 
Harakat kо‘nikmasini shakllantirish birinchi va ikkinchi signal tizimlarining 
о‘zaro harakatidagi dinamik stereotipning yuzaga kelish jarayonidan iboratdir. 
Harakat kо‘nikmalarining, bola uchun amaliy ahamiyati juda katta. Hosil 
qilingan kо‘nikmalar jismoniy va psixik kuchlarni tejamkorlik bilan sarf etish, 
yaxlit harakat faoliyatiga kiruvchi harakatlarni tez va aniq bajarish imkonini 
yaratadi.