Табиий шифо воситалари 3-китоб тошкент

Қулупнайнинг доривор ўсимлик эканлиги ва таъсири: 
Халқ табобатида қулупнайнинг мевалари ҳўллигича ёки қоқи ҳолида, 
меваларининг суви, барглари ва илдиз поялари жигар, меъда-ичак йўли, 
сийдик чиқариш тизими касалликларини даволашда кўп ишлатилади, 
иситмада ва одам заҳарланиб қолганида терлатадиган восита тариқасида 
қўлланилади, камқонлик, ревматизм, подагра ва бошқа бир қанча 
касалликларда буюрилади. Бадан терисига доғ тушганда, сепкил ва 
ҳуснбузарларни йўқотиш учун мевалари ва янги сиқиб олинган шарбати 
бадан сиртига суртиш учун ишлатилади. Бунинг учун кўпинча қулупнай 
меваларини эзиб, баданнинг тегишли жойларига чаплаб қўйиш ҳам мумкин. 
Қулупнай мевалари ва баргларидан сувда экстракт тайёрлаб, уни оғиз ва 
томоқни чайиш, шунингдук, гуш касаллиги, йирингли яра ва жароҳатлар, 
бадан қичишишига даво қилиш учун ишлатилади. Бўғим оғриқлари, қабзият, 
гипертония касаллиги ва атеросклерозда мевалари буюрилади, улардан 
гижжаларни тушириш учун ҳам фойдаланилади. Қулупнай қоқисининг 
қайнатмаси терлатадиган ва сийдик ҳайдайдиган восита сифатида 
қўлланилса, илдизи ва илдизпоясидан тайёрланган қайнатмаларни қон 
кетишини тўхтатадиган, ични қотирадиган восита тариқасида буюрилади. 
Шунингдек уларни буйраклар, ўт йўлларидаги қум ва майда тошларни 
тушириш, нафасни енгиллаштириш учун ҳам ишлатилади. Замонавий 
табобатда овқат ҳазмини яхшилаш, қон яратилишини жонлантириш учун, 
гастритлар, яра касаллиги, энтероколитлар ва гепатитларга даво қилиш учун 
қулупнай кўп ишлатилади. Уни миокардитлар, юрак ишемия касаллиги, 

---

Аюпов Равшан Хамдамович 135 
гипертония касаллиги, атеросклероз, подагра, гипертиреоз ва бошқа 
касалликларга ҳам буюрилади.
Қулупнайдан дориворлар тайёрлаш усуллари: 

1 ош қошик қулупнай барглари ёки мевалари устига бир стакан қайноқ 
сув қуйиб, 10 дақиқа қайнатилади ва уни кунига 3 маҳал бир стакандан 
ичилади. 

Сийдик-тош касаллиги ва подаграга қарши 10-15 кун давомида ҳар 
куни 0,5-1 кГ дан қулупнайни 3-4 маҳалга бўлиб еб туриш тавсия 
этилади. 

1 ош қошиқ миқдоридаги янчилган қуруқ қулупнай ўти устига 1 
стакан қайноқ сув қуйиб, 2-3 соат дамлаб қўйилади. Сўнгра сузиб 
олиниб, ушбу қулупнай чойини 1 стакандан кунига 3-4 маҳал ичилади.