Табиий шифо воситалари 3-китоб тошкент

Организмни зарарли моддалардан тозалаш учун ерқалампир ва лимон 
шарбатини ишлатиш мумкин. Уни тайёрлаш учун 150 грамм ерқалампир 
(хрен) бўтқаси ва 2-3 дона лимоннинг шарбати аралаштирилади. У кунига 
икки маҳал 0,5 чой қошиқдан оч қоринга истеъмол қилинади. Бу доривор 
аралашма музлатгичда икки ҳафтадан ортиқ муддат турмаслиги керак, 
шундагина унинг таъсирчанлиги ва янгилиги йўқолмайди. Ерқалампирни илк 
бора истеъмол қилганда, кўздан ёш чиқиши ва беҳузурлик кузатилади. Бироқ 
буларга эътибор бермасдан, даволанишни давом эттириш лозим. Агар бундай 
ёқимсиз ҳолатлар йўқолса, сабзи ва турп шарбати аралашмаси ёрдамида 
даволаниш лозим, чунки бу организмдаги ерқалампир ёрдамида эритилган 
шиллиқларни туширишга ёрдам беради. Бу эса ўз навбатида организмнинг 
шиллиқ пардасини тиклайди.
Жигарни тозалаш учун эрталаб бир стакан газсиз минерал сувга 1 бўлак 
лимон сиқилади ва овқатланишдан ярим соат олдин оч қоринга ичилади. 
Кечқурун эса минерал сув тахминан 40 даражагача иситилади (қайнатиш 
мумкин эмас!). Кейин унга 1 чой қошиқ қизил гармдори ва 1 чой қошиқ тоза 
асал солиб (агар аллергия бўлмаса), 1 соат тиндириб қўйилади. Ана шу 
ичимлик кичик хўпламлар билан кечки овқатдан бир соат олдин ичилади. 
Даволаш курси эса 10 кун давом этади. 
Жигар ва ўт пуфаги йўллари касалликларида 1 кГ асал, 200 мл зайтун 
ёғи, ўртача катталикдаги 4 дона лимон (2 та лимонниг пўсти тозаланади) 
дан 
қуйидагича 
усулда 
доривор 
тайёрланади: 
тўрттала 
лимон 
гўштқиймалагичдан ўтказилади ва қолган масаллиқлар билан сирли 
катрюлкага солинади ва ёғоч қошиқ ёрдамида яхшилаб аралаштирилади. 
Сўнгра 2 литрли банкага жойлаштирилиб, музлатгичнинг пастки қаватида 
сақланади. Истеъмол қилишдан олдин аралашма ёғоч қошиқ билан яна 
қайтадан аралаштирилади. Аралашма кунига 3 марта, овқатланишдан 30-40 
дақиқа олдин 1 ош қошиқдан истеъмол қилинади. Бундай даволаш курсини 
бир йилда 3-4 марта холецистит, гепатит ва жигар циррози касалликларига 
қарши ўтказиш тавсия этилади.

---

Аюпов Равшан Хамдамович 
36