Табиий шифо воситалари 3-китоб тошкент

Саримсоқ дамлама суви – бу қайнатмага ўхшаш, аммо бунда қайнатиш 
амали ишлатилмайди. Дамламани тайёрлаш учун майда кесилган саримсоқ 
бўлакчалари керамик ёки эмалланган идишга солинади ва унинг устидан 
қайнаб турган сув қуйилади. Кейин идишнинг қопқоғи маҳкам ёпилиб, идиш 
сочиқ билан ўраб қўйилади. Сув совигандан сўнг, эритма тиндирилади, 
фильтрланади ва керакли мақсадлар учун фойдаланилади. Бунда 
фойдаланилаётган сув қандайлиги катта аҳамиятга эга бўлади. Энг яхшиси, 
фильтрланган қудуқ ёки булоқ сувини, қордан эритилган сувни, тирик сувни 
ёки буларнинг иложи бўлмаган тақдирда, дистилланган сувни ишлатиш 
керак. Уни ҳам нафас йўлларининг ўткир шамоллаши (ОРЗ) касаллигида, 
турли хил инфекцияларда ва газак олганда 4-5 соатлик оралиқда 0,5 
стакандан ичиш керак бўлади. Тозаловчи клизмалар тайёрлашда ҳам бу 
дамлама сувини ишлатиш яхши натижаларга олиб келиши кузатилган.
Саримсоқнинг спиртли дамлама суви – бунинг саримсоқ дамлама 
сувидан асосий фарқи шундаки, унда сувнинг ўрнига спирт ёки ароқ 
ишлатилади. Сифатли дори тайёрлаш учун саримсоқ янги ва катта бўлиши, 
бўлакчалари соғлом бўлиши, ароқнинг эса қўшимчаларсиз тозаси бўлиши 
талаб қилинади. Яхшиси, кафолат бўлиши учун суюлтирилган медицина 
спиртини ишлатган маъқул. Дамлама тайёрланадиган бутилка эса қора 
шишали, пробка киритиладиган, тоза ва қуруқ бўлгани маъкул. Дамлама 

---

Аюпов Равшан Хамдамович 
38 
тайёрланишидан аввал бутилкани бироз қиздириш зарур. Дори тайёрлаш 
учун энг яхши кун - янги ой кўринган кеча бўлиб хисобланади. Чунки ой 
тўлганда саримсоқнинг спиртли дамламаси етилади.
Ярим литрли бутилкага каттароқ қилиб тўғралган саримсоқ 
бўлакчалари солинади ва унинг устидан 2 стакан энг тоза ароқ қўйилади (ёки 
суюлтирилган медицина спирти). Кейин уни пробка билан яхшилаб ёпиб, 
янги ой чиққан кундан у тўлгунга қадар сақлаб қўйилади. Бутилкани кунига 
икки марта, эрталаб ва кучкурун чайқатиб туриш керак бўлади. Кўрсатилган 
муддат ўтганидан сўнг, дамлама яхшилаб фильтрланади ва салқин жойда 
сақланади. Ушбу саримсоқли дамламани кунига икки марта – эрталаб ва 
кечқурун ётишдан олдин 10-15 томчидан қабул қилинади.
Саримсоқнинг сирларидан бири - спиртли дамлама қанча кўп сақланса, 
унинг фойдаси шунчалик кўп бўлади. Шунинг учун 2-3 йиллик дамламалар 
беморларга кўпроқ фойда беради. Бунинг сабаби – сақланиш вакти 
мобайнида дамламада турли хил ферментлар хосил бўлади. Масалан, эйхоен 
ферменти аспиринга ўхшаб, қонни суюлтиради ва хавфли ўсимталарга қарши 
кураша олади.