Microsoft Word Bolalar nevrologiyasi end doc

 
Etiologiya, patogenezi va klassifikatsiyasi
 
Orqa miyada qon aylanishi buzilishi sabablari:
Tomirlarning tug‘ma patologiyasi (malformatsiya gipoplaziya) arteroskleroz, 
vaskulit (birlamchi va ikkilamchi), (ekzo-; endogen) intoksikatsiyalar 
osteoxondroz va spondilo artrozda tomirlarni kompressiyasi umurtqalar 
anomaliyalari, travma, o‘smalar, shifokor aralashuvi (operatsiya va manual 
terapiya) orqa miyada qon aylanishi buzilishi umumiy va regional gemodinamikani 
o‘zgarishi (miokard infarkti, gipertonik va gipotonik kasallik, o‘tkir yurak-qon 
tomir yetishmovchiligi) natijasida paydo bo‘ladi. 
Orqa miyaning tomir kasalliklari klassifikatsiyasi 
1. Orqa miyada qon aylanishi buzilishining boshlang‘ich belgilari. 
2. Orqa miyada qon aylanishining o‘tkir buzilishi. 
3. O‘tib ketuvchi ishemik o‘zgarishlar. 
4. Orqa miyaning ishemik insulti (kompression, trombotik, notrombotik, 
embolik). 
5. Orqa miyaning gemorragik insulti (gemotomiyeliya, spinal subaraxpondal 
qon quyilish, epidural, subdural gematoma). 
6. Spinal qon aylanishning sekin progressirlanuvchi ishemik buzilishlari 
dissirkulyator miyelopatiya. 
7. Noaniq sababli orqa miyada qon aylanishini buzilishi.
 
Klinik kechishi. Orqa miyada qon aylanishining buzilishini boshlang‘ich 
davri. 
Orqa miyada qon aylanishning buzilishining boshlang‘ich davrida subektiv 
simptomatika ko‘zga tashlandi, o‘choqli belgilar bo‘lmaydi. Bemorlarda 
kuchsizlik, teri rangini o‘zgarishi, chumoli yurganlik xissi kuzatiladi. Bu 
o‘zgarishlar uzoq davom etmaydi, jismoniy ish vaqtida paydo bo‘ladi, tinch 
holatda o‘tib ketadi.
Orqa miyada qon aylanishining o‘tkir buzilishi 
O‘tib ketuvchi miyeloishemiya – o‘choqli spinal buzilishlar bilan 
xarakterlanadi, ular 24 soat davomida o‘tib ketadi. Orqa miyaning bo‘yin kengligi 
ishemiyasida Uiterxansheydt sindromi (to‘r formatsiya ishemiyasi) kelib chiqadi. 
Bunda ong o‘tkir buziladi 2-3 min va tetraparez rivojlalanadi. Harakat tez 
tiklanadi, lekin umumiy holsizlik davom etadi. Bu paroksizmlar boshni keskin 

---

 322
burgan vaqtda paydo bo‘ladi. Keskin yiqilish sindromi: (tushuvchi tomchi) boshni 
keskin burganda, bemor yiqilganda, tetraplegiya bo‘ladi, lekin ong saqlanadi. 
Ko‘pincha miyelogen oqsoqlash sindromi paydo bo‘ladi. Bu orqa miyaning pastki 
basseyinida ishemiya natijasida (Adamkevich) paydo bo‘ladi. Bunda oyoqlarda 
kuchsizlik, uvishish, siydikni imperativ buzilishi, uzoq yurganda, jismoniy ishda 
paydo bo‘ladi va tinch holda o‘tib ketadi.