Microsoft Word Bolalar nevrologiyasi end doc

 
Nerv tizimining parainfeksion va postvaksinal jarohatlanishi. 
Nerv tizimining parainfeksion zararlanishi virusli infeksiyalarda, ayniqsa 
ekzantemalar bilan kechadigan (qizamiq, suv chechak, qizilcha) kasalliklarda, 
hamda epidemik parotitda kuzatiladi. Nevrologik asoratlar odatda organizmning 
immunologik reaktivligi pasayganda rivojlanadi. Nerv tizimining zararlangan 
qismlarida chaqiruvchi topilmaydi. Kasallikni o‘tkir fazasida, perivaskulyar va
periventrikulyar lemfotsitar infiltrat, demiyelinizatsiya va oligodendrotsitlarning 
degeneratsiyasi aniqlanadi. Neyronlar unchalik zararlanmaydi. Parainfeksion 
ensefalomiyelitlarning klinikasi polimorf bo‘ladi.
 
Qizamiq natijasida kelib chiqqan ensefalomiyelit 
Mazkur kasallik nisbatan ko‘p (1:1000 nisbatda) uchraydi. Bu esa qizamiq 
bilan kasallanish darajasini yuqoriligi bilan bog‘liq. Nevrologik belgilar 
kasallikning birinchi haftasida kuzatilib, meningial belgilar, generallashgan va 
parsial tutqanoq hurujlari, o‘choqli belgilar bilan namoyon bo‘ladi. Og‘ir 
holatlarda bemor komaga tushishi mumkin. O‘lim 10% ni tashkil etadi. Qizamiqli 
ensefalit o‘tkazgan bemorlarning 30% epileptik tutqanoqlar, aqliy rivojlanishini 
orqada qolishi, giperkinezlar kuzatilishi mumkin. Ayrim hollarda qizamiqli 
ensefalomiyelit AKDS emlashidan keyin rivojlanishi mumkin.
 
Suvchechak oqibatida yuz bergan ensefalit 
Bu shakl kam uchraydi (1:10000). Nevrologik asoratlar toshma toshgandan 
keyin 3-7 kunlarida paydo bo‘ladi. 50% hollarda miyacha ataksiyasi rivojlanadi. 
Epileptik hurujlar va komani yuz berishi yomon belgi hisoblanib, bunda o‘lim 10% 
tashkil etadi. Ensefalit – eng ko‘p uchraydigan asorat, kamroq miyelit, so‘ng 
Giyena-Barre sindromi rivojlanadi. Giyena-Barre sindromi periferik nervlarning 
distal qismlarini zararlanishi hisobiga o‘tkir periferik parezlar rivojlanishi bilan 
xarakterlanadi. Agar periferik parez oyoqlardan boshlanib, keyin yuqoriga 
ko‘tariluvchi xarakterda kechsa – unga Landri sindromi deyiladi.