Microsoft Word Bolalar nevrologiyasi end doc

Reoensefalografiya 
Reoensefalografiya usuli katta chastotali o‘zgaruvchan tokni tirik 
to‘qimalardan o‘tkazib, ularning elektrik qarshiligini o‘rganishga asoslangan. 
Reoensefalografiya quyidagilarni muhokama qilishga imkoniyat beradi: 
bosh miya qon tomirlarining elastikligi va tonusini holati haqida; qon tomirlarning 
siqilish va kengayish qobiliyati haqida; bosh miya qon tomirlarini qon bilan to‘lish 
o‘lchovini va qon tomir havzalarida ularning qon bilan to‘lish farqini 
(asimmetriya) aniqlaydi.
Reoensefalogramma yozuvini (REG) maxsus asbob – reograf yordamida 
olinadi. Bu usul bosh miyada qon aylanish holatini uzoq vaqt kuzatishga imkon 
beradi. Bemorning boshiga har xil vaziyatda reografning elektrodlari 
tekshirilmoqchi bo‘lgan qon tomir havzasiga nisbatan joylashtirib qo‘yiladi. 
Masalan, ichki uyqu arteriya havzasini tekshirish uchun elektrodlarni fronto –

---

 160
mastoidal holda, ya’ni bitta elektrod peshonaga, ikkinchisi esa quloq orqasidagi 
orqa so‘rg‘ichsimon o‘siqqa joylashtiriladi. 
Reogramma shakli (forma) puls bosimini qiyshiq chizig‘ini eslatadi va 
ma’lum qismlardan iborat bo‘ladi: ko‘tarilish, tepalik, tushish yana qo‘shimcha 
kichik ko‘tarilish bo‘ladi (jadvalga qarang). Reograf to‘lqinini boshlanishidan to 
maksimal nuqtasigacha ko‘tarilishiga ko‘tarilish qismi deyiladi, puls to‘lqinining 
anakrotik fazasiga to‘g‘ri keladi.
Tushish qismi katokrotik fazaga o‘xshash bo‘lib, qiyaroq tushadi va 
kichkina qo‘shimcha ko‘tarilish tishchasini (zubets) beradi, bu esa puls to‘lqinining 
dikrotik ko‘tarilishiga to‘g‘ri keladi, qo‘shimcha tishcha esa tushayotgan qismining 
o‘rtasida joylashadi. REGni tahlil qilganda birinchi navbatda qiyshiq chiziqning 
amplitudasini o‘lchanadi, kalibr signali bilan solishtiradi. Bu esa to‘lqinlarning 
tekshirayotgan qismida qon tomirlarida qonning to‘lish darajasini ko‘rsatadi. 
Keyin qiyshiq chiziqning ko‘tarilish qismining uzunligini aniqlanadi, bu esa qon 
o‘tayotgan tomirlarning kengayishini va qon oqish tezligining ko‘rsatkichi bo‘ladi. 
Funksional usullar (nafas olib ushlab turish, nikotin kislotasi, nitrogliserin, 
umumiy uyqu arteriyasini siqish va boshqalar) qo‘llanilganida REGning diagnostik 
ahamiyati oshadi. Differinsiyalashgan reoensefalogrammada faqat sifat 
o‘zgarishlari emas, balki miqdor o‘zgarishlari ham aniqlaniladi.
Bosh miya tomirlarining aterosklerozida REG shakli tekislanadi, uning 
tepasi yassilanib, qiyshiq chiziqning tushish qismidagi qo‘shimcha to‘lqin 
yo‘qoladi, reografik to‘lqinning amplitudasi pasayadi va yana qiyshiq chiziqning 
ko‘tarilish qismining vaqti uzayadi.
Gipertoniya kasalida, arteriya gipotoniyasida va vegetativ qon tomir 
distoniyasida qiyshiq chiziq amplitudasi, shaklini keskin o‘zgarishlari kuzatiladi. 
Reoensefalografiya usuli oddiy, bemorlarni bezovta qilmaydi, shu sababli bu usul 
bolalarda ham bosh miyaning qon aylanishi buzilishida diagnozni aniqlashda keng 
qo‘llaniladi. Yangi tug‘ilgan chaqaloq bolalarda N.A.Rinkinning (1975) o‘tkazgan 
klinik-reoensefalografik tekshirishlariga qaraganda, bosh miya qon aylanishini diffuz 
va yarim shar oralig‘iga oid xarakterdagi fiziologik va organik buzilishini bosh miya 
qutisi ichidagi bosimni oshishi va kasallikning prognozini aniqlashda yordam beradi.
Bolalarda gipertenzion-gidrosefal sindromlarida qon to‘lish ko‘rsatkichi 
pasayishini, qon tomir tonusining oshishini va vena qon oqimining qiyinlashishini 
ko‘rish mumkin.
To‘r parda osti bo‘shliqqa (subaraxnoidal) qon quyilganida tonusning 
oshishi, asimmetriyasi, bosh miyaga qon quyilganda esa qon tomirining tonusini 
juda ham oshishi, yarim sharlardan birida qon to‘lish pulsining pasayishi ko‘riladi. 
Qon tomirlar tonusini turg‘unlik oshishi va bosh miya qon tomirlarida atoniya 
belgilari kasallik oqibati yomon bo‘lishini ko‘rsatadi.