Buyrug‘i maktabgacha ta’limga qo‘yiladigan davlat talablarini tasdiqlash haqida

2-§. Ijtimoiy-hissiy rivojlanish yo‘nalishi
17. Mazkur yo‘nalishda bolaning rivojlanish jarayoni quyidagi bosqichlar orqali
kechadi:
ijtimoiy rivojlanish — bunda bola ijtimoiy muhit va atrofidagilar bilan hamkorlik qiladi;
hissiy rivojlanish — bunda bolada o‘zini va o‘z hissiyotlarini anglash rivojlanadi.
18. Ijtimoiy rivojlanish bosqichida bola:
tanish va notanish kishilarni farqlashi;
boshqa bolalar va katta yoshdagilar bilan muloqot qilish malakalarini qo‘llay olishi
lozim.
19. Hissiy rivojlanish bosqichida bola:
“men” konsepsiyasini anglashi;
o‘zgalar va o‘z hislarini anglashi lozim.
3-§. Nutq, o‘qish va savodga tayyorgarlik yo‘nalishi
20. Mazkur yo‘nalishda rivojlanish jarayoni quyidagi bosqichlar orqali kechadi:
nutq — bunda bola so‘zlashuv tiliga zarur darajada ta’sirlanadi, so‘zlarni tushuna
boshlaydi va atrofdagilar bilan muloqotga kirishadi;
o‘qish va savodga tayyorgarlik — bunda bolada bosma materiallar, yozuv belgilari va
harflarga bo‘lgan qiziqish rivojlanadi.
21. Nutq bosqichida bola:
nutqni tinglashi va tushuna olishi;
gapirishi va so‘zlasha olishi lozim.
22. O‘qish va savodga tayyorgarlik bosqichida bola:
bosma materiallar, harflar va belgilarga qiziqish bildiradi;
yozishga oid ko‘nikmalar hosil qiladi.
4-§. Bilish jarayoni va atrof muhit to‘g‘risidagi bilimlarga ega bo‘lish yo‘nalishi
23. Mazkur yo‘nalishda rivojlanish jarayoni quyidagi bosqichlar orqali kechadi:
elementar matematik bilim va ko‘nikmalar — bunda bolaning matematik, jumladan
son-sanoq malakalarini rivojlantirish orqali matematik bilimlarini orttirish, mantiqiy fikrlash
va muammolarini hal qilish qobiliyatlarini, son-sanoq, miqdor, shakl, kattaliklar va o‘lchov
birliklaridan foydalanish malakalarini rivojlantirishga erishiladi;
atrof muhit to‘g‘risidagi bilimlar — bunda bola kuzatish va amaliyot orqali atrof muhit
to‘g‘risida axborot oladi;
ijod — bunda bola milliy ma’naviy meros va madaniyatni hurmat qilishga hamda o‘z
hissiyotlarini musiqa, teatr va tasviriy faoliyat orqali ifodalashga o‘rganadi.
24. Elementar matematik bilim va ko‘nikmalar bosqichida bola:
son-sanoq va hisoblashga oid bilimlarini namoyon qilishi;
predmetlarni toifalash, guruhlash va tartib bo‘yicha joylashtirish qobiliyatini namoyon
qilishi lozim.
25. Atrof-muhit to‘g‘risidagi bilimlar bosqichida bola:
jonli va jonsiz tabiatni kuzatishi va ta’riflay olishi;
inson tana a’zolarini bilishi lozim.
26. Ijod bosqichida bola:
turli tovush va ovozlarni farqlay olishi;
tovushlarni balandligi va tembriga ko‘ra farqlay olishi;
jamoa bo‘lib musiqiy faoliyatlarda ishtirok etishga qiziqish bildirishi;
cholg‘ularida chalish malakalarini namoyon etishi;
amaliy faoliyatda ishtirok etishga qiziqish bildirishi lozim.

---