O'zR. Konst u'yr kitabi. Orinbetov n

Milliy woraydi’n’ tiykarg’i’ wazi’ypalari’: 
-insan huquqlari’, yerkinliklerin qorg’awdi’n’ ha’reket 
jobalari’n
islep shi’g’adi’; 
-
insan huquqlari’ tarawi’nda Wo’zbekstan Respublikasi’ni’n’ xali’q arali’q ha’m 
milliy sho’lkemler birge islesiwin rawajlandi’radi’; 
-
Wo’zbekstan Respublikasi’nda insan huquqlari’na amel qi’li’ni’wi’ ha’m bul 
huquqlardi’n’ qorg’ali’wi’ boyi’nsha milliy bayanatlar tayarlaydi’; 
-
ma’mleket ha’kimiyati’ ha’m basqari’w organlari’na, sonday-aq insan huquqlari’ 
boyi’nsha ja’miyetlik birlespelerine ken’esler beredi; 
-
ma’mleket organlari’ni’n’ insan huquqlari’na tiyisli bilimlendiriw, ta’rbiya, u’git-
na’siyat, woqi’w-metodikali’q a’debiyatlardi’ basi’p shi’g’ari’w bag’dari’ndag’i’ 
xi’zmetti muwapi’qlasti’radi’; 
-
Wo’zbekstanda insan huquqlari’n a’melge asi’ri’w ha’m rawajlandi’ri’w 
boyi’nsha mag’luwmatlardi’n’ xabar bazasi’n jarati’w; 
-
insan huquqlari’n qorg’aw boyi’nsha ma’mleket organlari’ni’n’ xi’zmetin 
jetilistiriw bari’si’nda usi’ni’slar beriw; 
-insan huquqlari’n xoshametlew ha’m qorg’aw tarawi’nda ilimiy socialli’q 
izertlewlerdi sho’lkemlestiriw ha’m wo’tkeriw. 
Wo’zbekstan Respublikasi’nda bul milliy woraydi’n’ sho’lkemlestiriliwi insan 
huquqlari’n qorg’awdi’n’ a’hmiyetli kepilliklerinen biri yekenligin turmi’s ko’rsetip 
turi’pti’.
Insan huquqlari’ boyi’nsha milliy woray xi’zmeti haqqi’nda mag’luwmatlar 
«Wo’zbekstanda demokratiyalasti’ri’w ha’m insan huquqlari’» degen arnawli’ jurnali’ 
arqali’ ja’riyalap bari’lmaqta.
Wo’zbekstanda insan huquqlari’n qorg’aw ha’m puqaralardi’n’ qa’nigeli huquqi’y 
ja’rdem ali’w huquqi’n a’melge asi’ri’wg’a ja’rdem beretug’i’n ja’miyetlik 
sho’lkemlerden biri Advokatura yesaplanadi’. Bul ja’miyetlik birlespenin’ huquqi’y 
belgisi «Advokatura haqqi’nda» g’i’ Ni’zamda belgilengen. Bul ni’zamni’n’ 1-
statyasi’na muwapi’q: «Advokatura – huquqi’y institut boli’p, wol advokatli’q xi’zmeti 
menen shug’i’llanatug’i’n shaxslar ha’m de jeke advokatli’q a’meliyati’ menen 
shug’i’llanatug’i’n ayi’ri’m shaxslardi’n’ wo’z betinshe, yerkli, ka’siplik birlespelerdi 
wo’z ishine aladi’. Advokatura Wo’zbekstan Respublikasi’ Konstituciyasi’na muwapi’q, 
Wo’zbekstan Respublikasi’ puqaralari’, si’rt yel puqaralari’, puqaralig’i bolmag’an 
shaxslarg’a, ka’rxanalar, mekemeler sho’lkemlerge yuridikali’q ja’rdem ko’rsetedi». 
«Advokatura haqqi’nda»g’i’ Ni’zam 1996-ji’l 27-dekabrde qabi’l yetilip, 17 
statyadan ibarat boli’p, bul ni’zamda advokatura ha’m woni’n’ wazi’ypalari’, advokatura 
haqqi’ndag’i’ ni’zam hu’jjetleri, advokatti’n’ huquqi’y biyligi, advokatura xi’zmetinin’ 
principleri ha’m sho’lkemlestiriw formalari’, advokatli’q xi’zmet tu’rleri, advokatti’n’ 
huquq ha’m wazi’ypalari’, advokat xi’zmetinin’ kepillikleri, advokatlarg’a beriletug’i’n 
ruxsatnamalar, advokatlarg’a beriletug’i’n ta’rtip-intizamli’ sharalari’, advokatti’n’ si’ri’, 
socialli’q huquqlari’, advokatli’q xi’zmetin toqtati’w tiykarlari’ belgilengen. Bul 

---

39
ni’zamnan basqa, advokatura instituti’ ha’m woni’n’ xi’zmetin yelede jetilistiriw 
maqsetinde 
Wo’zbekstan Respublikasi’ Prezidentinin’ 2008-ji’l 1-mayda «Advokatura 
instituti’n ja’ne de reforma yetiw shara-ilajlari’ haqqi’nda» g’i’ Pa’rmani’ qabi’l yetildi.