O’zbekiston respublikasi oliy va o’rta maxsus ta’lim vazirligi qo’qon davlat pedagogika instituti xamraqulov zafarjon yigitaliyevich

Topshiriq
Fermer o’ziga tegishli yerlarni aylanib yurib, qo’shni fermer bilan chegaradosh
hududdagi ariq bo’yida o’sayotgan nasha o’simligini ko’rdi. Ularni yulib olib,
hech kim iste’mol qilmasligi uchun tashlandiq yerdagi baland butalar orasiga
tashladi. Biror kuni qo’risa yoqib yuborishni ko’ngliga tugib o’z ishlari bilan
ovora bo’lib ketdi. Tabiiyki, buni esidan ham chiqarib qo’ydi. Fermerning
ishchisi qurigan nasha o’simligini topib oldi va o’zi iste’mol qila boshladi. Pulga
ehtiyojmand bo’lib sotmoqchi bo’lganida qo’lga tushdi.
– Fermer va uning ishchisining harakatlarini kvalifikatsiyalang.

---

65 
jazolar tayinlanishi uchun imkon beradi. Mamlakatimizdagi ijtimoiy munosabatlar 
taraqqiyoti jinoiy jazolarni bosqichma-bosqich yengillashtirishni rag’batlantirib 
bormoqda. 
O’zbekiston Respublikasining amaldagi Jinoyat kodeksi 1994 yil 22 
sentyabrda qabul qilingan bo’lib, o’tgan davr mobaynida jazolar tizimida 
o’zgarishlar yuz berdi. Mol-mulkini musodara qilish, o’lim va qamoq jazolari 
chiqarib tashlandi. Jinoyat kodeksida hozirgi kunda quyidagi jazo choralari 
mavjud: 

jarima; 

muayyan huquqdan mahrum qilish; 

majburiy jamoat ishlari; 

axloq tuzatish ishlari; 

xizmat bo’yicha cheklash; 

ozodlikni cheklash; 

intizomiy qismga jo’natish; 

ozodlikdan mahrum qilish; 

umrbod ozodlikdan mahrum qilish; 

harbiy yoki maxsus unvondan mahrum qilish. 
Mahkumlarga harbiy yoki maxsus unvondan mahrum qilish shaklidagi jazo 
qo’shimcha chora sifatida ko’riladi. U og’ir va o’ta og’ir jinoyatlar sodir etilganligi 
uchun belgilanadi. Qo’shimcha jazo asosiy jazoning maqsadi amalga oshirilishi 
uchun zarur hollarda qo’llaniladi. 
Xizmat bo’yicha cheklash va intizomiy qismga jo’natish jazolarining faqat 
harbiy xizmatchilarga nisbatan qo’llanilishi jinoyat qonunchiligi bilan belgilangan. 
Oddiy fuqarolarga nisbatan ushbu jazolarni qo’llash mumkin emas. 
Muayyan huquqdan mahrum qilish jazosi asosiy va qo’shimcha jazo sifatida 
qo’llanilishiga yo’l qo’yiladi. Ushbu jazo ma’lum bir mansabni egallash, muayyan 
faoliyat turi bilan shug’ullanishni vaqtincha ta’qiqlash orqali mahkumni 
tarbiyalashga qaratiladi. 

---

66