I-бўлим. Бухгалтерия ҳисоби асослари 1-мавзу. Бухгалтерия ҳисоби, унинг моҳияти ва турлари

 
жорий қиймат
- маълум санадаги амал қилаётган бозор нархлари бўйича асосий 
воситаларнинг қиймати ёки хабардор қилинган, битимни амалга оширишни хоҳловчи, 
мустақил тарафлар ўртасида битимни амалга оширишда активни сотиб олиш ёки 
мажбуриятларни бажариш учун етарли бўлган сумма; 
қолдиқ (баланс) қиймат
- жамланган амортизация суммасини чегирган ҳолда асосий 
воситаларнинг бошланғич (тиклаш) қиймати; 
тугатиш қиймати
- асосий воситаларнинг чиқиб кетиши бўйича кутилаётган 
харажатларни чегирган ҳолда кутилаётган фойдали хизмат муддати охирида асосий 
воситаларни тугатиш чоғида олинадиган активларнинг фараз қилинаётган суммаси. 
 
8.2. Асосий воситаларнинг келиб тушиши 
Келиб тушадиган асосий воситалар объектининг қиймати корхона балансига киритилиши 
лозим. 
Асосий воситалар қуйидагилар натижасида корхона балансига киритилади: 
а) капитал қўйилмалар тугаганидан сўнг тикланган объектни қабул қилиш-топшириш; 
б) олди-сотди шартномаси бўйича объектни сотиб олиш; 
в) устав сармоясига таъсисчи улуши кўринишида келиб тушиш; 
г) текинга келиб тушиш (ҳадя шартномаси бўйича); 
д) айирбошлаш; 
е) товар-моддий захиралар таркибидан ўтказиш; 
ж) узоқ муддатли ижара (лизинг) шартномаси бўйича олиш; 
и) қиймати белгиланган асосий воситаларга капитал қўйилмалар; 
к) асосий воситаларнинг ортиқча (ҳисобга олинмаган) объектларини аниқлаш. 
Асосий воситалар актив сифатида тан олинганда улар бошланғич қиймат бўйича 
баҳоланади. 
Асосий воситаларни комиссия тузиб, қабул қилиш акти тузилади, унда объектларга 
тасниф берилади, унинг жойлашиши, харид қилинган манбаси, чиқарилган ёки қурилган 
йили, ишга тушириш санаси, техник кўрсаткичлари ва бошқалар киради. Бу актга асосан 
объектга инвентар карточка расмийлаштирилади ёки инвентар китобига ёзиб қўйилади. 
Асосий воситаларнинг бухгалтерия ҳисоби бирлиги бўлиб инвентарь объекти ҳисобланади. 
Асосий воситаларнинг инвентарь объекти сифатида барча қурилмалари ва анжомларига 
эга бўлган объект ёки муайян мустақил вазифаларни бажариш учун мўлжалланган алоҳида 
конструктив асосдаги буюм ёхуд бутун бир яхлитликни ифодаловчи ва муайян вазифаларни 
бажариш учун мўлжалланган конструктив жамланган буюмларнинг алоҳида мажмуи тан 
олинади. 
Конструктив жамланган буюмларнинг алоҳида мажмуаси - умумий мосламаларга ва 
анжомларга, умумий бошқарувга эга, бир пойдеворда қурилган, натижада мажмуага кирувчи 

---

115 
ҳар бир буюм ўз вазифасини мустақил равишда эмас, балки фақатгина мажмуа таркибида 
бажара оладиган бир ёки турли мўлжалдаги битта ёки бир нечта буюмлардир. 
Асосий воситаларга ўтказиладиган капитал қўйилмалар асосий воситалардан 
фойдаланишдан келгусида иқтисодий фойда олишни ошириш шартларида уларнинг 
бошланғич қийматини оширади. Келгусида олинадиган иқтисодий фойдани оширмайдиган 
бошқа барча харажатлар улар амалга оширилган даврдаги давр харажатлари сифатида тан 
олиниши лозим. 
Асосий воситалар объектларини қуриб битказиш, қўшимча жиҳозлаш, реконструкция 
қилиш, замонавийлаштириш ва техник қайта қуроллантиришга доир харажатлар, улар 
тугатилганидан сўнг, агар улар натижасида асосий воситалар объектининг фаолият 
юритишининг қабул қилинган бошланғич меъёрий кўрсаткичлари (фойдали ишлатиш 
муддати, қуввати, қўллаш сифати ва бошқалар) яхшиланса (ошса), бундай объектнинг 
бошланғич қиймати ҳам ошади. 
Асосий воситаларни қуриш пудратчи ёки хўжалик усули билан амалга оширилади. Пудрат 
усули билан олиб борилган қурилишда, бажарилган қурилиш ишлари акти суммасига 
буюртмачи қуйидаги ёзув тузади: 
Дт 0810 ”Тугалланмаган қурилиш” 
Кт 6010 ”Мол етказиб берувчи ва пудратчиларга тўланадиган счётлар” 
Счётни тўлаш вақтида: 
Дт 6010”Мол етказиб берувчи ва пудратчиларга тўланадиган счётлар” 
Кт 5110”Ҳисоб-китоб счёти” 
Агар қурилиш хўжалик усули билан олиб борилган бўлса, у ҳолда қурилиш 
харажатларига қуйидаги ёзув қилинади: 
Дт 0810 ”Тугалланмаган қурилиш” 
Кт 1050 ”Қурилиш материаллари”, 6710”Ходимлар билан меҳнат ҳақи бўйича 
ҳисоблашишлар”, 6520 ”Давлат мақсадли фондларга тўловлар“ ва бошқалар 
Қурилиш тамом бўлгандан кейин, бино ва иншоатларни ишга тушириш вақтида: 
Дт 0120”Бино ва иншоатлар” 
Кт 0810”Тугалланмаган қуришиш” 
Агар корхона харид қилган ускуналар ўрнатиш, ишга туширишни талаб қилса, у ҳолда 
қуйидаги ёзув қилинади: 
Дт 0710-0720 ”Ўрнатиладиган асбоб – ускуналар” 
Кт 6010 ”Мол етказиб берувчи ва пудратчиларга тўланадиган счётлар” 
Ўрнатишга берилганда: 
Дт 0820 ”Асосий воситаларни харид қилиш” 
Кт 0710-0720 “Ўрнатиладиган асобоб-ускуналар” 
Объектларни ўрнатиш, ишга тушириш харажатлари 0820 ”Асосий воситаларни харид 
қилиш” счётининг дебетида тўпланади ва ишга тушириш вақтида қуйидаги ўтказма 
берилади: 
Дт 0130 “Машина ва асбоб-ускуналар” 
Кт 0820 “Асосий воситаларни харид қилиш” 
Таъсисчилар томонидан корхонанинг устав капиталига улуш ҳисобида киритилган асосий 
воситаларни кирим қилиш: 
Дт 0110-0199 “Асосий воситаларни ҳисобга олувчи счётлар” 
Кт 4610 “Устав капиталига таъсисчиларнинг улушлари бўйича қарзи” 
Текинга олинган асосий воситалар: 
Дт 0110-0199 “Асосий воситаларни ҳисобга олувчи счётлар” 
Кт 8530 “Текинга олинган мулк” 

---

116