А. Туркманов. “Бухгалтерия ҳисoби” фани бўйича ўқув-услубий мажмуа. – Тошкент: Иқтисодиёт, 2018 йил, 249 бет. Ғоя муаллифи: иқтисод фанлари доктори, профессор Б. Ю. Ходиев

 
Ҳужжатларнинг турлари, реквизитлари ва уларнинг 
расмийлаштириш тартиби 
Хўжалик жараёнларининг турли-туманлиги уларни акс эттирувчи ҳужжатларнинг ҳам 
турли бўлишига сабаб бўлиши табиийдир. Ҳужжатлар бир неча хусусиятларига кўра 
туркумларга ажратилади, бундай гуруҳлашга сабаб ҳужжатлаштириш ишларини, улардан ҳисоб 
ишларида фойдаланишни ҳамда улар айланишини, сақланишини осонлаштиришдир. 
Ҳужжатлар тузилиш тартибига, вазифасига, хўжалик жараёнини акс эттиришига, қаерда 
тузилиши каби хусусиятларга кўра туркумларга ажратилади. 
Ҳужжатлар тузилиш тартибига кўра, дастлабки ва йиғма ҳужжатларга бўлинади.
Шу дастлабки ҳужжатлар текширилиб, улар асосида йиғма ҳужжатлар тузилади ва бу 
ҳужжатлар маълум бир давр ичида рўй берган жараёнлар ҳақида маълумотлар беради. 
Йиғма ҳужжатларга товар ҳисоботи ва кассир ҳисоботини мисол тариқасида келтириш 
мумкин. 
Ҳужжатлар вазифасига кўра 5 турга ажратилади: 
1. Фармойиш берувчи ҳужжатлар. Бирор хўжалик жараёнини бажариш учун албатта 
маъсул ходимлар томонидан буйруқ берилади ёки жамоа қарор қабул қилади. Унда жараённи 
бажарувчи шахслар ҳамда жараёнларнинг бажарилиш муддати кўрсатилган бўлади.
2. Тасдиқловчи ҳужжатлар. Ходим, маъсул шахснинг бирор хўжалик жараёнини 
бажарганини тасдиқловчи ҳужжатлар ҳам амалда қўлланилади. Масалан, асосий воситаларнинг 
қабул қилиш-топшириш далолатномаси асосий воситаларни қабул қилинганини, тўлов 
ведомостлари меҳнат ҳақи берилганини (депонентлаштирилганлигини) исботлайди. Шунинг 
учун ҳам бундай ҳужжатлар тасдиқловчи ҳужжатлар дейилади. 
3. 
Фармойиш-тасдиқловчи ҳужжатлар. Корхоналар бухгалтерия ҳисобини юритишда шундай 
ҳужжатлар ҳам мавжудки, уларда бир вақтнинг ўзида жараён бажарилишига фармон берилиши билан 
бирга жараён бажарилган- лигини тасдиқлаш хусусияти ҳам мужассамлаштирилган.

---

53 
4. Бухгалтерия ҳисоботига илова ҳужжатлари. Бухгалтерия ҳисобини юритишда хўжалик 
жараёнлари рўй бериши билан бевосита боғлиқ бўлмаган, аммо ҳисоб ишларида аҳамиятли ҳужжатлар 
ҳам борки, улар расмий- лаштириш ҳужжатлар деб аталади.
5. Ахборот ҳужжатлари. Корхонада рўй берган хўжалик жараёнларининг асоси 
ҳисобланган унинг молиявий ҳолати, товар моддий бойликлари захиралари ҳақида ахборот 
берувчи ҳужжатлар, ички бошқарув ва юқори ташкилот ҳамда муассасалари, давлат солиқ 
назорати, кредиторлар, акциянерлар, таъсисчилар, ташқи аудиторларга зарур вақтларда 
тегишли ахборотлар олишда хизмат қил
ади.

---

54