Ш. А. Агзамова, Э. А. Шамансурова, Д. К. Ганиева, С. А. Убайдуллаева

Даволовчи 
гимнастика 
муолажасини 
ўтказишга 
қарши 
кўрсатмалар: 
1.Нисбий қарши кўрсатмалар : 
-беморларнинг умумий оғир ҳолати; 
-касалликнинг ўткир даври; 
-тана ҳароратининг 37,5 градусдан ортиши; 
-жисмоний машқлар бажаришда оғриқнинг зўрайиши; 
-йирингли жараѐннинг бўлиши; 
-шикастланган суяк бўлакларининг етарли бўлмаган иммобилизацияси; 
-йирик қон томир ва нерв яқинида ѐд таналарнинг бўлиши; 
-қон кетиш ва қон кетишга мойиллик. 
Бу кўрсатмаларнинг нисбий дейилишига сабаб шуки, улар бартараф 
этилганидан сўнг шифобахш жисмоний тарбия муолажасини беморга тавсия 
этиш мумкин. 
2.Абсолют қарши кўрсатма : 
-ѐмон сифатли шишишлар ѐки онкологик касалликлар. 
ДАВОЛОВЧИ УҚАЛАШ 
Уқалаш - махсус аппаратлар ѐки уқаловчининг қўли билан одам 
танасининг турли соҳаларига механик таъсир этиш. 
Даволовчи эффект механизми. 
Уқалашнинг таъсир механизми асосида 
марказий асаб тизими билан регуляция қилинадиган бир-бирига боғлиқ 

---

50 
рефлектор, 
нейрогуморал, 
нейроэндокрин, 
моддалар 
алмашинуви 
жараѐнлари ѐтади. Бу реакцияларнинг бошланғич звеносида тери 
механорецепторлари таъсирланади. Механик таъсир энергияси электр 
импульсига айланади, марказий асаб тизимига узатилади. Уқалаш одам 
организмига ҳар тарафлама таъсир ўтказади, аввало асаб тизимига. Уқалаш 
таъсирида асаб тизими қўзғалувчанлиги ошиши ѐки камайиши мумкин, бу 
унинг функционал ҳолатига ва таъсир усулига боғлиқ. Уқалаш терида трофик 
жараѐнларни яхшилайди, тер ва ѐғ безлари функциясини стимуллайди, қон ва 
лимфа айланишини фаоллаштиради. Уқалаш натижасида тери мушак тонуси 
ошади, терининг эластиклиги, таранглигига таъсир этади. Уқалаш юрак қон-
томир тизимига ижобий таъсир кўрсатади: периферик томирларнинг бироз 
кенгайиши кузатилади, чап қоринча ва чап бўлмача ишлари енгиллашади, 
юрак мушаклари қисқариши яхшиланади, кичик ва катта қон айланиш 
доирасида димланиш ҳолатларини йўқотади, қон ва тўқималар орасида газ 
алмашинуви яхшиланади, кислороднинг тўқималар билан ютиниши ошади. 
Уқалаш синовиал суюқликнинг секрециясини фаоллаштириб, шишларнинг 
сўрилишига ѐрдам беради. 
Даво эффектлари. 
Тонусловчи, седатив, томирларни кенгайтирувчи, 
озиқлантирувчи, катаболик, иммуностимулловчи. 
Кўрсатмалар. 
Таянч-ҳаракат аппарати ўткир ости ва сурункали 
касалликлари ва жароҳатлари (артрит, лат ейиш, оѐқ-қўллар синиши, 
контрактуралар), марказий асаб тизими касалликлари (фалажлар, церебрал 
атеросклероз, инсультдан кейинги ҳолат), периферик асаб тизими 
касалликлари ва жароҳатлари (невралгия, невритлар, плексит, радикулитлар), 
бел умуртқа поғонаси диски чурраси, умуртқа поғонасининг бел соҳасида 
ўткир ва сурункали оғриқ ва бошқалар.