Ш. А. Агзамова, Э. А. Шамансурова, Д. К. Ганиева, С. А. Убайдуллаева

КАСАЛЛИКЛАРНИ ДАВОЛАШДА ФИЗИОТЕРАПИЯНИ ҚЎЛЛАШ
I - БЎЛИМ 
ЮРАК, ҚОН-ТОМИР КАСАЛЛИКЛАРИ БИЛАН ОҒРИГАН 
БЕМОРЛАРНИ ДАВОЛАШДА ФИЗИОТЕРАПИЯНИ ҚЎЛЛАШ 
ЮРАК ИШЕМИК КАСАЛЛИГИ (ЮИК) 
Юрак ишемик касаллиги коронар қон айланиш бузилиши хисобига 
миокарднинг кислородга бўлган эҳтиѐжининг таъминоти билан мос 
келмаслиги хисобига келиб чиқади ва юрак функциялари бузилишига олиб 
келади. ЮИКнинг асосий сабаби (95 -98%) атеросклероз.
Коронар артериялар атеросклерози томонидан чақирилган миокард 
гипоксияси патогенезида асосий ўринни гемодинамик силжишлар туради: 
артериал босим (АБ) ошишида тахикардия диастола қисқариши билан, 
циркуляциядаги қон хажми ортиши, қоннинг ивитувчи ва ивишга қарши 
системалар бузилиши, коронар артериялар спазмининг патофизиологик 
механизмлари, метаболик бузилишлар (кардиомиоцитларда анаэробли 
гликолизнинг активланиши, лактатнинг гиперпродукцияси ва б. 
Натижада беморларда стенокардиянинг бошланғич белгилари (оғриқли 
синдром) юзага келади, ишемияли соҳани қон айланиши тиклангач маълум 
вақт миокарднинг ишемиядан кейинги дисфункцияси (―бўғиқ‖миокард) 
сақланади . 
Асосий синдромлар: 
- 
коронар томирлар атеросклерози ва эндотелий дисфункцияси; 
- ўткир ва сурункали юрак етишмовчилиги (ЮЕ); 
- юрак ритми ва ўтказувчанлигининг бузилиши;
- артерия деворида яллиғланишли ўзгаришлар ва иммун дисфункция; 
- нейрогуморал дисфункция; 
- гиперкоагуляцион; 
- дислипидемик. 
Шулардан асосийлари ишемик, гиперкоагуляцион ва метаболик 
бузилишлар синдроми. 

---

55 
Барча ЮИК билан касалланганлар (шаклидан қатъий назар) даволаш 
тадбирлари хавф омилларига (ҳаѐт тарзи, парҳез, зарарли одатлар) таъсирот 
билан бирга олиб борилади. 
Физиотерапия вазифалари
 
- жисмоний зўриқмаларга толерантликнинг ортиши; 
- тўлақонли коронар оқимнинг ва оптимал гемодинамик кўрсаткичларнинг 
тикланиши; 
- препаратлар қабулига эҳтиѐжнинг пасайиши; 
- беморларнинг кундалик ҳаѐтга адаптацияси ва сифатининг яхшилануви. 
Жисмоний даволаш усуллари асосан ЮИКнинг ремиссиясида, кам 
хуружли стабил кечувида ѐки қўзғалишнинг сўнгида қўлланилади.