Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Вулқон туфи-
вулқон кули, пемза ва бошқа жинсларнинг 
цементлашиши ва зичлашишидан ҳосил бўлган. Туфлар пушти, тўқ сариқ, 
қизил, жигар ранг бўлади. Етарли ғоваклиги, мустаҳкамлиги ва чидамлилиги 
улардан иссиқлик изоляцияси материаллари олишга имкон беради. 
Магматик жинслар Украина, Россия, Кавказ ясси тоғликларда кўплаб 
учрайди. 
Чўкинди тоғ жинслари. 
Чақиқ чўкинди тоғ жинслари-қум ва шағал 
бетон учун тўлдирувчи, темир-йўл қурилишида балласт сифатида ва йўл 
қопламларида ишлатилади. Қум шиша ва керамика ишлаб чиқариш 
саноатида хом ашёнинг асосий ташкил этувчиси сифатида ишлатилади. 
Гилли чўкинди тоғ жинсларига каолинит, кварц, слюда, дала шпати ва 
бошқа минералларнинг 0,01-0,001 мм заррачалари киради. 
Каолинли гил каолинитдан иборат бўлиб, ёрқин рангларда бўлади. Улар 
ёғлик ва оловга бардошли бўлгани учун керамика ишлаб чиқариш саноатида 
кўп ишлатилади. Гил цемент ишлаб чиқаришда асосий хом ашёдир. 
Қумтошлар
-кварцнинг цементланган доначаларидан иборат бўлиб, 
харсангтош пол ва тратуарлар учун плиталар, бетон учун тўлдирувчи 
сифатида ишлатилади. 
Конгломерат ва брекчиялар табиий цементланган тош ва майда тошдан 
иборат бўлиб, харсангтош ва тўлдирувчи сифатида ишлатилади. Гилли 
чўкинди тоғ жинслари Марказий Осиёда кўплаб учрайди. 
Кимёвий (хемоген) чўкинди жинсларга карбонатлар, сулфатлар ва 
аллитлар киради. 
Карбонатли жинсларга оҳактош ва доломитлар киради. Оҳактош 
таркибида 50% кўп калцит, доломит таркибида эса 50% кўп доломит 
жинслари бўлади. Жинс таркибидаги калцит ва доломит нисбатига кўра 
унинг таркиби тоза оҳактошдан тоза доломитга қадар ўзгаради. 

---

60 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Карбонатли жинслар таркибидаги гилтупроқ аралашган бўлиши мумкин.