Н. А. Самиғов, Ф. Д. Жўраева, Сайдуллаев А. Б

Девор тошлари ва плиталари
. Девор тошлари ва блоклари асосан туф 
ва ғовак оҳактошлардан механизмлар воситасида арралаб тайёрланади. Девор 
тошлари 390х190х188; 490х240х188; 390х190х288 мм ўлчамларда ишлаб 
чиқарилади. Деворбоп блоклар туф, оҳактош, доломит, қумтош, андезит каби 
тошлардан ҳажми 0,1 м
3
кам бўлмаган ҳолда тайёрланиши мақсадга 
мувофиқдир. (2.3-расм). 
3.6-расм. Блоклар 
а-ажратилган; б-йўнилган; в-арраланган 

---

70 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Девор тошлари ташқи девор учун ўртача зичлиги 2300 кг

м
3
кам бўлган 
тоғ жинсларидан тайёрланади. Тошларнинг сув шимувчанлиги 30% гача, 
совуққа чидамлилиги 15 циклдан кам бўлмаслиги керак. 
Плиталар қурилишда кенг миқёсда ишлатилади. Юқори мустаҳкамлик, 
қаттиқлик ва совуққа чидамлиликка эга бўлган гранитсимонлар ва бошқа 
магматик тоғ жинслари монументал бино пойдеворларида, дарё 
қирғоқларини мустаҳкамлашда, кўприк қопламларида ишлатилади. Мармар, 
чиғаноқли оҳактош, гипс, ангидрит каби тошлар асосидаги плиталар 
маъмурий бино ва иншоотларнинг ички безаги учун ишлатилади. Бино ва 
иншоотларни ташқи безаги учун атмосфера мухитига чидамли оҳактош, 
доломит, қумтош, вулқон туфлари, мармар каби тош плиталар ишлатилади. 
Ташқи безак плиталари қалинлиги 4-8 см, ички безак плиталари қалинлиги 
эса 1,2-4см бўлади. Сўнгги йилларда олмос арралар ёрдамида кесилган 5-10 
мм қалинликдаги тежамли тош плиталар биноларни ички безаги учун 
қўлланилмоқда. 
Гранит, андезит, диабаз, кварцит каби кислотага чидамли тошлар 
асосидаги плиталар кимё саноатида, минерал ўғитларни сақлайдиган 
биноларни ва шу кабиларни коррозиядан мухофаза этишда ишлатилади. 
Бино ва иншоотлар поллари ва зинапояларида ишлатиладиган тошлар 
безак сифатидан ташқари едирилишга чидамли ва сирпанмаслик талабларига 
жавоб бериши керак. Тротуар плиталари зич, совуққа чидамли қумтош, 
гнейс, оҳактош каби тошлардан тайёрланади. Улар томонлари 20-80 см, 
қалинлиги 4-15см бўлган квадрат ёки тўғри тўртбурчак шаклида бўлади. 
Брусчатка ва борт тошлари асосан зич, совуққа чидамли магматик тоғ 
жинсларидан механизациялашган усулда тайёрланади ва йўл қурилишида 
қоплама материал сифатида ишлатилади. Борт тошлари баландлиги 30-40 см, 
эни ва узунлиги турлича бўлиши мумкин. 

---

71