Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
бино ва иншоотларни ташқи безаги учун ишлатилганда вақт мобайнида 
ҳаводаги намлик ва турли газлар таъсирида жилосини йўқотиб боради. 
Мармар Ўзбекистоннинг Нурота, Қурама, Чотқол тоғ тизмаларида 
кўплаб учрайди. Шулардан энг машхури Нурота мармар конлари тизимидир. 
Тошкент шахридаги Навоий номли театр, Халқлар дўстлиги саройи бинолари 
махаллий мармар тошлар билан безатилган. 
3.2 Табиий тош материалларига ишлов бериш
 
Табиий тош материаллари ва буюмлари тоғ жинсларини турли 
механикавий усуллар билан қайта ишлаш натижасида олинади. Бу усулларга 
майдалаш, ёриш, арралаш кабилар киради. Хусусий холларда эса тоғ 
жинслари портлатиш усулида қазиб олиниши мумкин. 
Ишлов бериш усулларига кўра табиий тош материаллари қуйидаги 
турларига бўлинади: Қўпол ишлов берилган (харсангтош, чақиқ тош, шағал 
ва қум); буюм ва профилли қисмлар; тўғри шаклдаги тош ва блоклар; 
юзасига ишлов берилган плиталар (девор ва полларни безашда); йўл 
қурилиши буюмлари (бордюр тошлари, брусчатка) ва ҳ.к. 
Табиий тошларга заводда механизациялашган ва автоматлашган 
тизимларда ишлов берилади. 
Тош юзаси пневматик асбоб ёрдамида тирналиб (уриб) ёки абразив усулда 
силлиқланиб ишланиши мумкин; тош юзаси тўлқинсимон (қабариқ-чуқур), 
рифланган, эгатсимон, ғадир-будир (нуқтасимон) кўринишда қайта 
ишланиши мумкин. Тошга абразив ишлов бериш қирқиш, фрезерлаш, 
шлифлаш ва полировкалаш (жилолаш) жараёнларини ўз ичига олади (3.4-
расм). 

---

66 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
3.4-расм. Тошларнинг фактурали кўриниши 
а- тўлқинсимон (қабариқ-чуқур); б- рифланган; в- эгатсимон; г) ғадир-
будир (нуқтасимон).