Н. А. Самиғов, Ф. Д. Жўраева, Сайдуллаев А. Б

4. Табиий тош материаллари ва буюмларининг асосий хоссалари 
Зичлик.
Бу жихатдан табиий тошлар енгил ва оғир турларга бўлинади. 
Енгил тошларга зичлиги 1,8 г

см
3
кичик бўлган вулқон туфи, туф, пемза, 
чиғаноқли оҳактош кабилар киради. Енгил тошлар иссиқлик изоляцияси 
хусусияти юқори бўлгани учун деворбоп донали тош ва блоклар тайёрлашда 
ишлатилади. 
Оғир тошларга зичлиги 1,8 г

см
3
юқори бўлган гранит, сиенит, габбро, 
базалт каби тошлар киради. Оғир тошлар бино ва иншоотларни сув ва 
намлик тегиши мумкин бўлган қисмларда, пол, деворларни безашда, йўл 
қурилишида ишлатилади. 
Мустаҳкамлик.
Сиқилишдаги мустаҳкамлик чегарасига нисбатан 
табиий тош материаллар қуйидаги маркаларга бўлинади (МПа): 0,4; 0,7; 1,5; 
2,5; 3,5; 7,5; 10; 12,5; 15; 20; 30; 40; 50; 60; 80; 100. 
Совуққа чидамлилик
. Стандарт усулда музлатиш ва эритиш цикллари 
бўйича табиий тош материаллар қуйидаги маркаларда бўлади: 10; 15; 35; 100; 

---

68 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
150; 200; 300 ва 500. Зич тошлар совуққа чидамли бўлади. Порфирсимон 
тузилишдаги тошлар совуқ таъсирида ёрилиб кетади. 
Янги қазиб олинган оҳактош, доломит, туфлар, қумтошларда табиий 
намлик бўлгани учун совуққа чидамсиздир. Улар қуритилгач етарли 
даражада совуққа чидамли материал бўлади. 
Сувга чидамлилик.
Сувга чидамлилик тошларнинг сувда юмшаш 
коэффиценти-0,6; 0,8 ва 1,0 билан белгиланади. Доим сув таъсирида 
бўладиган жойларда (пойдевор, йўл қурилиши) бу коэффициент 0,8 кам 
бўлмаслиги, ташқи девор учун эса 0,6 кам бўлмаслиги керак. 
Едирилиш ва ишқаланишга бардошлилик
. Тошларнинг бу хусусияти 
уларнинг зичлиги, мустаҳкамлиги ва тузилишига боғлиқ бўлади. Тошлар йўл 
қопламалари,бинолар поллари, зинапояларда ишлатилганда уларнинг бу 
хусусиятлари катта аҳамиятга эгадир. 
Майда кристалл тузилишга эга бўлган тошлар шлифланганда сирпанчиқ 
бўлгани учун зинапоя, полларда ишлатилмагани маъқул.