Oilaviy ajrimlar
har bir oila a‘zolariga qattiq ta‘sir qiladi. Etikada
oilaviy ajrimlarning uch turi koʻrsatiladi. Birinchisi, nikohni bekor qilinishi
bilan ajralish – bunda oilaviy mulk, va farzandlar tarbiyasi qonun asosida
taqsimlanadi. Bunday sabab oʻzaro kelishmovchilik hamda tushunmovchilik,
oʻzaro muhabbatning yoʻqligi natijasida paydo boʻladi. Ikkinchisi, tabiiy
ajralish boʻlib – oila a‘zolarining biri fa‘lokat yoki kassallik tufayli vafot
etgan oila mulkining meros sifatida taqsimlanishiga sabab boʻluvchi
ajralishdir. Uchinchisi – axloqiy ajralish boʻlib, bunda bolalar ba‘logʻatga
etib, oila qurilishlari – ota-onalar ular uchun oilaviy mulkdan uy-joy, turli
maishiy jihozlar ajratib berishlari belgilanadi. SHunga koʻra, oilada har bir
a‘zoning oʻziga yarasha majburiyatlari mavjud. ayniiqsa, oʻz odatiy turmush
tarzini oʻzgartirib, oʻzga oilaga kelin boʻlib kelgan qizlarimizning yangi oila
a‘zolari bilan boʻlgan oʻzaro munosabatlari juda muhim hisoblanadi.
Oilaviy ajrimlarning kelib chiqishiga oiladagi nizolar sabab
boʻladi.Oilaviy nizolar – buijtimoiy keskinlashgan vaziyat hisoblanadi.
Nizolar er-xotinlar, ota-onalar va bolalar, er-xotinlar va ularning ota-onalari
oʻrtasida va boshqa Yaqinlar oʻrtasida yuzaga keladi. Oiladagi turli yoshdagi
kishilarni yashashi nizo chiqish ehtimolini paydo qiladi. Keskinlashayotgan
ziddiyatga er-xotinlar oʻrtasidagi munosabatlar, bir-birini tushunmaslik yoki
hatto tushunishga harakat qilmaslik ham sabab boʻlayotganligiga guvoh
boʻlmoqdamiz.
Oilaviy ajrimlarning kelib chiqish sabablari:
-
oila va oilaviy munosabatlar haqida bilimning etishmasligi.
-
aroqxoʻrlik va giyohvandlik.
-
yosh oilaga ota-onalarning aralashuvi.
-
befarzandlik
-
xiyonat
Oiladagi sogʻlom muhit – sogʻlom mafkurani shakllantirishga
xizmat qiladi. Insoniy fazilatlar – ezgulik, yaxshi lik, fidoyilik,
sadoqat, mardlik, insof, rahm-shafqat kabi xislatlar dastlab oilada
shakllanadi.
Oila yoshlarni axloqli, odobli, rostgoʻy, ha‘lol va samimiy boʻlib
voyaga etishlari uchun zamin tayyorlaydi.
479
Oʻzbekistoning Birinchi Prezidenti I.A.Karimov bu haqda shunday
degan: ―Har qaysi millatning oʻziga xos ma‘naviyatini shakllantirish va yuk
saltirishda, hech shubhasiz, oilaning oʻrni va ta‘siri beqiyosdir.Chunki,
insonning eng sof va pokiza tuygʻulari, ilk hayotiy tushuncha va tasavvurlari
birinchi galda oila bagʻrida shakllanadi. Bolani harakterini, tabiati va
dunyoqarashini belgilaydigan ma‘naviy mezon va qarashlar – yaxshilik va
ezgulik, olijanoblik va mehr-oqibat, or-nomus va andisha kabi muqaddas
tushunchalarning poydevori oila sharoitida qaror topishi tabiiydir.‖
1
Oila tarbiyasi bolaning kelajakda kim boʻlib etishishida muhim rol
oʻynaydi. Demak, bola oilada jamiyatning timsolini koʻradi, boʻlajak
fuqaroning tabiati, dunyoqarashi va axloqiy qiyofasi oilada shakllanadi
hamda shunga koʻra kamol topib boradi. Oila tarbiyasining mohiyati kishini
hayotga tayyorlashdan iborat. Oila – bu kichik jamoadir. Unda oʻzaro
muomalaning barcha qoidalariga amal qilinishi kerak. Kattalarga hurmat,
kichiklarga izzat; bir-biriga mehribon boʻlish, ayniqsa ayollarni e‘zozlash
kabi qoidalar kundalik odatga aylanib borishi kerak. Ota-ona bolalariga
namuna. Shuning uchun, ular oilada axloq madaniyatiga toʻla rioya qilishlari
shart.
Oilaviy axloq oʻz juftini ishonch halqalari bilan bogʻlanishini taqozo
etadi. Shu bois oʻz yaqiningizni yolgʻonchilikda ayblash yoki biron narsada
«ushlashga» harakat qilish vaziyatni ogʻirlashtiradi, xolos. Bu
ishonchsizligingiz sizga nisbatan ichki dushman sifatida qarashga olib kelish
mumkin. Albatta, me‘yorida siz uchun aziz boʻlgan odam sifatida chiroyli
rashk qilish mumkin. Bu hatto aloqani mustahkamlaydi. Ammo yarim
haqorat shaklidagi rashklar, juftingizni qilmagan ishini qilishga undashi
mumkin. Yaqiningiz bilan boʻlgan munosabatda «tilga suyak qoʻyib
qoʻygan» yaxshi . «Jinni boʻlibsiz!» degan soʻz albatta ajrashishga sabab
boʻlmasligi mumkin, ammo sizni chiroyli koʻrsatmaydi. Undan koʻra:
«Adashyapsiz azizim!» deb aytgan durustroq.
Hattoki, hazilomuz murojaatlarda ham oʻtkir iboralardan hayiqmoq
lozim. Bizning soʻzlarimiz biz istagan darajada doimo natija bermasligi
mumkin, oʻzimiz bilmagan holda boshqalar qalbini yaralashdan uzoqroq
boʻlganimiz ma‘quldir. Yomon ma‘noda soʻz aytgan boʻlsangiz, unda uni
ifodalashdan ne ma‘ni bor?! Gap bilan «chaqilgan» kishi sizni kechirishi
mumkin, ammo qalbiga otilgan bu «nayzaning» izi oʻchishi qiyin. Bundan siz
ham foyda koʻrmaysiz. Va eng asosiysi, erkaklar uchun: rafiqasi bilan
boʻlgan har mojaroda ayolni oʻziga qaratadigan «Azizam» degan murojaati
masalani ijobiy tus oldirishi mumkin. Ammo erkaklarning bunday soʻzlarni
ishlatishlari nihoyatda kam uchraydi.
1
Karimov I. A. Yuksak ma‘naviyat- yengilmaskuch. T., Ma‘naviyat, 2008.-B. 52.
480
Oilada farzandlar koʻproq onadan tarbiya oladilar. Onadagi aksariyat
axloqiy fazilatlar farzandlarga ham oʻtadi. Bu esa Sharq xotin-qizlariga xos
yuksak axloq fazilatlarida koʻrinadi. Jumladan, Sadiy She‘roziy ham:
Xotin boʻlsa qobilu aqli raso,
Erni shoh etar, gar boʻlsa gado,-
deya ayollarni madh etgan edilar.
Ma‘naviyatsiz moddiy farovonlikka ham, umumtaraqqiyotga ham
erishib boʻlmaydi. Ma‘naviy qashshoqlik milliy tanazzulga olib boradi.
Xalqimiz oʻzining koʻp ming yillik tarixi jarayonida oila hususida milliy–
mafkuraviy tarbiya‘ni shakllantirgan. Oilada otaning shaxsiy ibrati, onaning
mehri orqali turmush zahmatlarini engishda, farzandlarini tarbiyali
boʻlishida mustahkam tayanch boʻla olishgan. Oilada erkak kishining muhim
vazifasi xotin va oila a‘zolarining huquqlarini himoya qilish, ularning
nomuslarini saqlashdir.
Oilaning jamiyatda tutgan oʻrni, oila tarbiyasi, ota-ona va farzandlar
oʻrtasidagi munosabatlar, shuningdek, oilaning pokligi va mustahkam
boʻlishiga oid qimmatli fikrlar hadislarda muhim oʻrin egallaydi:
«Kimgaki Alloh taolo soliha xotin nasib etgan boʻlsa, dinining yarmiga
yordam qilibdi, qolgan yarmiga oʻzi taqvo qilsin». «Xotinlarning
barakatlirogʻi uylanish harajatlari engilidir»; «Xotin kishi qovurgʻadan
yaratilgan. Agar sen qovurgʻani toʻgʻrilayman desang sindirasan, murosa qilu
u bilan yasha»; «Xotin kishiga eng haqqi koʻp kishi eridir, erkak kishiga eng
haqqi koʻp kishi onasidir»; «Agar bir shaharda loaqal bir ayol bir marta
buzuqlik koʻchasiga kirib haromi orttirsa, bu shahardan qirq yil fayzu barakat
koʻtarilib ketadi»; «Ayollarni faqat ulugʻ odamlar hurmat qiladi. Ularni faqat
pastkash odam xoʻrlaydi».
1
Ushbu hadislarda islom diniga xos insonparvarlik va adolat mezonlari
namoyon boʻladi, nikohning ilohiyligi, oilaning muqaddasligi ta‘kidlanadi, Er
va xotin oʻrtasidagi burch, poklik, iffat, oʻzaro bir-birini hurmat qilish
tuygʻulari ulugʻlanadi.
Shuni alohida qayd etish oʻrinliki, mustahkam oila sogʻlom turmush
tarzi asosida shakllanadi. Oila baxti, farzandlarning tarbiyali, etuk inson
boʻlib etishida ota–onaning sa‘y-harakati, tarbiya mahoratiga bogʻliq.
Oiladagi axloqiy tarbiya asosan ota-onalar va oilaning yoshi katta a‘zolari
tomonidan amalga oshiriladi. Oila tarbiyasida muvaffaqiyatga erishish koʻp
jihatdan oiladagi ota va onaning birga boʻlishi, ularning baxtli yashashiga
bogʻliqdir. Bugungi kunda ijtimoiy-iqtisodiy hayotimizda yuz berayotgan
jadal oʻzgarishlar, yutuqlar bilan bir qatorda oilaviy munosabatlar tizimida
ajralishlar, yoshlar orasida axloqsizlikning koʻpayganligi, ota-onalar va
1
Al-Buxoriy, Abu Abdulloh Muhammad Ibn Ismoil. Sahihi Buxoriy: Al-jomi‘ as-sahih: (Ishonarli to‗plam): 2 kitob /
Abu Abdulloh Muhammad Ibn Ismoil al-Buxoriy. - Toshkent.: O‗zbekiston milliy ensiklopediyasi Davlat ilmiy
nashriyoti, 2008. 231-287.
481
farzandlar oʻrtasida ziddiyatlarning paydo boʻlishi, tirik etimlar sonining
oshishi kuzatilmoqda. Oilaning jamiyatdagi mavqeini saqlab qolish, uning
mustahkamligini saqlash va kuchaytirish, muqaddasligini kelajak avlodlar
ongiga singdirish hozirda dolzarb muammolardan hisoblanadi. Oilada jipslik,
axillikning yoʻqligi uni tashqi salbiy omillarga ta‘sirchan qilib qoʻyadi.
Shuning uchun, oʻtish davrida oila-nikoh munosabatlarida barqarorlikni
saqlash muhim ahamiyat kasb etadi. Shu nuqtayi-nazardan Oʻzbekiston
Respublikasining Birinchi rezidenti I.A.Karimov ―Oilaviy tarbiya
masalasida xatoga yoʻl qoʻymaslik uchun avvalo har qaysi xonadondagi
ma‘naviy iqlimni oʻzaro hurmat, axloq-odob, insoniy munosabatlar asosiga
qurish ayni muddao boʻlur edi. Bu haqda gapirganda, men mumtoz
yozuvchimiz
Abdulla
Qodiriyning
«Oʻtgan
kunlar»
asaridagi
qahramonlarning oʻzaro muomala va muloqotlari, ularning hatto kichik
farzandlarini ham «siz»lab gapirishi misolida ota-bobolarimizning oila
ma‘naviyatiga qanchalik katta e‘tibor berganiga ishonch hosil qilaman‖
1
, –
deb yozgan edi.
Oilani mustahkamlashda reproduktiv sa‘lomatlikning oʻrni ham
beqiyos. Mustaqillikning ilk yillaridan boshlab mamlakatimizda ona va bola
sogʻligini muhofaza qilish, millat sogʻligi toʻgʻrisida qaygʻurish eng dolzarb
vazifalar sirasiga kiritildi va bu borada davlat dasturlari amalga oshirilmoqda.
Oʻzbekiston Respublikasining Birinchi Prezidenti I.A.Karimov tomonidan
qabul qilingan 2014 yil 1 avgustdagi ―Oʻzbekistonda aholi reproduktiv
sa‘lomatligini yanada mustahkamlash, onalar, bolalar va oʻsmirlar
sa‘lomatligini muhofaza qilish boʻyicha 2014-2018 yillarga moʻljallangan
Davlat dasturi toʻgʻrisida‖gi PQ-2221 sonli qaroridan kelib chiqqan talab va
vazifalarni amalga tatbiq etish uchun, sogʻlom avlodni voyaga etkazish
masalalari boʻyicha keng qamrovli targʻibot ishlari olib borilmoqda. Ushbu
ishlar zamirida inson manfaatlari koʻzda tutilgan desak, mubolagʻa
boʻlmaydi.
Oilalarni rivojlanishida oilaviy juftliklar hamda yigit - qizlar sogʻligʻini
yaxshi lashda reproduktiv sa‘lomatlikka doir bilimlar amaliy ahamiyati bilan
oʻziga xosdir. ayniiqsa, xotin-qizlarning sogʻlom turmush tarzi, reproduktiv
madaniyatini shakllantirish, ularni sogʻlom onalikka tayyorlash, ijtimoiy-
siyosiy statusini mustahkamlash kabi masalalarni amalga oshirishda oila,
mahalla va nodavlat tashkilotlar oʻzaro kelisxilgan hamkorligda faoliyat olib
borish bugungi kunning dolzarb vazifalaridandir.Har bir millat va
jamiyatning eng qimmatli xazinasi sogʻlom, axloqiy barkamol oiladir.
Oilaning asosiy negizida esa ona tarbiyasi alohida oʻrin tutadi. Hozirgi
sharoitda oilalarda umuminsoniy va milliy qadriyatlar ildiziga tayangan,
Sharqona axloqiy tarbiyadan bahramand boʻlgan ma‘naviy – axloqiy
1
Karimov I.A. Yuksak ma‘naviyat - yengilmas kuch. - Toshkent, Ma‘naviyat, 2008. -B55.
482
munosabatlar qaror topmoqda. Oilada axloqiy asoslar sogʻlom boʻlmasa,
oʻsib-unayotgan ―umr daraxti‖ sinadi va hosil bermaydi.
Oilaning mustahkamligi esa har tomonlama sogʻlom turmush tarziga,
shuningdek, tom ma‘noda aytadigan boʻlsak, oilaning tibbiy madaniyatiga
bogʻliqdir. Oilada tibbiy madaniyatni, sogʻlom turmush tarzini shakllantirish
– jismoniy barkamollik va sa‘lomatlikka erishishning muhim omilidir.
Yurtimizda barkamol avlodni tarbiyalash, sogʻlom turmush tarziga
amal qilib yashash uchun barcha shart-sharoitlar yaratilgan. Jumladan, 2017
yilni ―Xalq bilan muloqot va inson manfaatlari yili‖ deb atalishida ham
respublikamizdagi har bir oilaning bekamu – koʻst, baxtli, har tomonlama
sogʻlom va farovon hayoti asosiy maqsad qilib olingan. Ushbu maqsad
yoʻlida ―Oʻzbekiston fuqarosiman‖ degan har bir yoshu – keksa hayotining
yanada farovonlashuvi yoʻlida tibbiy madaniyatga intilishi maqsadga
muvofiqdir. Zero, sogʻliq tufayligina har qanday orzu maqsadlarga erishishlik
muqarrardir.
Do'stlaringiz bilan baham: |