28. Бошлан?Ич синф ў?Иш дарсларида ў?Увчиларнинг ижодий ишларини ташкил этиш

 
 
Хулоса ва тавсиялар ...............................................................................
Фойдаланилган адабиётлар рўйхати.................................................... 
 
Иловалар....................................................................................................  

---

3 
КИРИШ 
Мавзунинг долзарблиги. Ўзбекистоннинг келажакдаги равнақи 
бугунги ёш авлоднинг тўлақонли тарбиясига кўп жиҳатдан боғлиқ. Ҳар бир 
ота-она ўз фарзандининг комил инсон бўлиб етишиши учун қайғуриши, уни 
эътиқодли ва маърифатли қилиб тарбиялаши лозим.
Таълим мазмунининг йил сайин ўзгариб, такомиллашиб бориши мактаб 
ва ота-оналар олдига янги талаблар қўймоқда. Таълим-тарбия тизими 
жамиятимизда кечаётган ислоҳотлар, янгиланиш жараёнлари билан уйғун 
ҳолда ривожланмоқда. Юртбошимиз ташаббуси билан таълим соҳасида туб 
ислоҳотларни амалга оширишга эътибор қаратилди. Бу борада Президент 
Ислом Каримовнинг Ўзбекистон Республикаси Олий Мажлисининг 9-
сессиясида (1997 йил 29 август) сўзлаган «Баркамол авлод – Ўзбекистон 
тараққиётининг пойдевори» мавзусидаги маърузаси алоҳида аҳамиятга эга.
Мазкур нутқда Президент таълим соҳасидаги ислоҳотларнинг асл 
моҳиятини аниқ тушунтириб беради: «...бугунги кунда олдимизга қўйган 
буюк мақсадларимизга, эзгу ниятларимизга эришишимиз, жамиятимизнинг 
янгиланиши, ҳаётимизнинг тараққиёти ва истиқболи, амалга оширилаётган 
ислоҳотларимиз, режаларимизнинг самараси, тақдири буларнинг барчаси, 
авваламбор, замон талабларига жавоб берадиган юқори малакали, янги 
мутахассис кадрлар тайёрлаш муаммоси билан чамбарчас боғлиқлигини 
барчамиз англаб етмоқдамиз, фақатгина чинакам маърифатли одам инсон 
қадрини, миллат қадриятларини, бир сўз билан айтганда, ўзлигини англаши, 
эркин ва озод жамиятда яшаши, мустақил давлатимизнинг жаҳон 
ҳамжамиятида ўзига муносиб, обрўли ўрин эгаллаши учун фидоийлик билан 
курашиши мумкин», - деди ва бу вазифаларнинг ҳал этиш йўлларини 
кўрсатиб берди.