Ўқув машғулотида таълим технологияси модели мавзу: Менингитларнинг ва менингоэнцефалитларнинг эрта ва қиёсий

Иккиламчи септик менингит ва менингоэнцефалитлар. 
Ҳар хил этиологияли сепсисларда (тарқалган инфекцияларда) менингит ва 
менингоэнцефалит келиб чиқади. Кўпинча улар касалликнинг 5-10-кунлари ривожланади. 
Касалликнинг клиник манзараси умумий интоксикация белгилари, иситманинг гектик ёки 
нотўғри типи қалтираш ва терлаш билан кечиши, гепатолиенал белгилар билан намоён 
бўлади. Геморрагик тошмалар бўлиши мумкин. Бирламчи ёки иккиламчи йирингли ўчоқлар 
бўлиши характерли. Шундай ўчоқ (метастаз)лардан бири менингитдир. Стафилококкли ва 
стрептококкли сепсисда тери ва тери ости клетчаткасининг йирингли шикастланишлари 
(фурункул, карбункул, панариций ва б.), юқори нафас йўлларидаги, пешоб-таносил 
аъзоларидаги яллиғланиш жараёнлари бирламчи ўчоқ вазифасини бажаради. Сепсис ўткир, 
ярим ўткир ва сурункали кечиши мумкин. 
Менингиал белгилар бошланиши билан беморлар аҳволи оғирлашади, тана ҳарорати 
39-40°Сга кўтарилади, қусиш, Керниг, Брудзинский белгилари, энса мушакларининг 
таранглиги пайдо бўлади. Кўпгина беморларда яллиғланиш жараёни фақат мия пардасида 
бўлмай, балки мия тўқималари ҳам зарарланиб беморларда тиришишлар, ўчоқли 
ўзгаришлар (гемипарезлар, қўл-оёқларнинг тўхтовсиз титраши ва ҳ.к.) ва бош мия жуфт 
нервларининг 
зарарланиш 
белгилари 
кузатилади 
(кўпинча 
кўз 
олмасини 
ҳаракатлантирувчи). Мия абсцесслари ёки мия томирлари тромбози ривожланиши мумкин. 
Орқа мия суюқлиги йирингли, сарғимтир тусда, юқори нейтрофилли цитоз (1500-
3000)х10
6
/л, оқсиллар миқдори юқори (2-12 г/л), қанд миқдори камайган кўринишда бўлади. 
Бундай ҳолларда ликвор секин ва босимсиз оқиши мумкин, бактериоскопияда ҳужайра 
ичида ва ташқарисида жойлашган қўзғатувчилар топилади. Этиологик ташҳис қўйишда 
бактериологик текширишлар натижаси асосий ўринни эгаллайди. 
Замбуруғлар ва содда жонзотлар келтириб чиқарган менингит ва