O’quv darslik

---

1 
 
 
 
 
 
 
 
 
 
 
 
O’QUV DARSLIK 
 
 
 
 
 
 
 
 
 
 
 
 
 
 
 
 
 

---

2 
I. SO’Z BOSHI 
 
Amaliy tibbiyot famakologiya fanining ildam rivojlanishi tufayli 
samaradorligi yuqori bo’lgan ko’p dori vositalari bilan boyidi. Dori 
moddalarining ta’sir tarzida aniqlashga yo’naltirilgan fundamental sohadagi 
izlanishlarda erishilgan yuksak natijalar hastaliklarni davolash va profilaktik 
qo’llash uchun samarali asos yaratdi. Farmakoterapiyaning deyarli barcha 
hastaliklarni davolashda universal uslub ekanligi hisobga olinganda, 
farmakologiya fanini chuqur va atroflicha bilish har qanday mutahassis shifokor
uchun juda ham zarurdir. 
Hozirgi zamon preparatlari juda yuqori faollikga ega ekanligi tufayli 
ularni qo’llashga ko’rsatmalar berishdagi kamchiliklar be’morga juda katta zarar 
keltirishini inobatga olib, farmakologiya fani o’rgatadigan dori vositalarining 
barcha xossalari to’g’risida to’liq ma’lumotlarga ega bo’lishi talab etiladi. 
Shundan kelib chiqib, bo’lajak shifokor talabalarni farmakologiya sohasida 
muntazam va jiddiy tayyorligi juda ham muhimdir. Talabalar farmakologiyaning 
fundamental mu ammo larini III –bosqichda o’zlashtiradilar, keyin uni amaliy
tomonlarini farmakoterapiyada chuqurroq o’rganishadilar. 
Tabiiyki farmakoterapiya III-bosqichdan VI-bosqichgacha barcha klinik 
kafedralarning diqqat markazida bo’lishi lozim. Farmakologiya fanini 
o’qitishdagi aynan shunday ketma-ketlik va uzluksizlik ushbu muhim fanni 
o’qitish va olgan bilimlarini farmakoterapiyaning aniq masalasini yechishda 
samarali qo’llashni taminlaydi. 
Ushbu darslik farmakologiya asoslari va farmakoterapiyaning ba’zi 
tomonlarini qamrab olgan, unda hozirgi zamon farmakologiyasining eng zarur 
bo’limlari bayon etilgan va dori vositalari guruhlarining asosiy namoyondalari 
ta’riflangan. Darslik tibbiyot oliy o’quv yurtlari va universitetlarning tibbiyot 
fakulteti talabalariga mo’ljallangan. Tuzilishi va mazmuni bo’yicha O’zbekiston 

---

3 
Respublikasi Sog’liqni saqlash vazirligi tomonidan tasdiqlangan III-bosqich 
talabalari uchun farmakologiyadan namunaviy dasturga mos keladi.
Ushbu kitob shifokorlar, magistrlar, farmasevtlar va farmokologiya sohasi 
bo’yicha ilmiy hodimlarga foydali bo’lishi ehtimoldan holi emas.