Университети кимё – технология факультети

АЗКАМАР ГИЛИНИНГ КИСЛОТАЛАРДА ЭРУВЧАНЛИГИ ВА 
ЭРИТМАЛАРИ ТАРКИБИНИ ЎРГАНИШ 
Икромов У.Ғ., Авезов Қ.Ғ., Ганиев Б.Ш.,. Мардонов Ў.М 
Бухоро давлат университети 
Маълумки маҳаллий бентонит ва гиллар мамлакатимизнинг турли 
ишлаб чиқариш соҳаларида асосий ва қўшимча хомашё, адсорбент ва 
фильтрловчи моддалар, лак-буёқ саноатида турли пигментлар ва қатор бошқа 
мақсадларда кенг қўлланилаяпти. Шундай кенг истиқболга эга табиий 
ноорганик хомашёлар қаторига Бухоро вилояти ҳудудидаги ўзига хос қизил-
қўнғир тусли «Азкамар» гил-тупроғи кириши тўғрисида фикрлар илгари 
сурилапти. Унинг таркибида Si, К, Na,Mg, Ca, Al, Fe, Sn ва уларга нисбатан 
кам миқдорда B, P,Cu, Cr, Ti, Mn, Be, Ag элементларининг оксид ёки тузлари 
мавжудлиги маълум.

---

111
Мазкур ишда «Азкамар» гил-тупроғининг кислотали муҳитда 
эрувчанлиги ва олинган кислотали эритмасининг таркибини ўрганиш 
мақсадида олиб борилган дастлабки тажриба тадқиқотлари натижалари баён 
этилади. Ушбу гилнинг эрувчанлигини ўрганиш учун кислотали эритувчилар 
сифатида 60% ли HNO
3
ва 32% ли HCl эритмалари танланди. Ҳар бирининг 
массаси 20 г дан бўлган, юқори даражада майдаланган 2 та қизил-кўнғир 
рангли гил намуналари олинди.
1-Намуна 60 мл 60% ли HNO
3 
эритмаси билан Қ:С=1:3 нисбатда 
эритилди. Қизил рангли суспензия тулиқ эриши учун 70-80
о
С да 2 соат 
давомида аралаш-тириб турилди, кейин совутилиб, қаттиқ ва суюқ фазалар 
фильтрлаб ажратилиб, ювиб олинди. Чўкмани ювиб олиш жараёнида қизил 
рангли қолдиқ атрофи ва юзасида кам миқдорда оқ рангли чўкма ҳосил 
бўлиши кузатилиб, эритма оч-сариқ, ажратиб олинган қаттиқ қолдиқ оч-
қизилқўнгир рангга эга бўлди. Эримай қолган қаттиқ қолдиқ массаси 13,48 г 
(67,4%) ни, эриган намуна массаси 6,52г (32,6%) ни ташкил этди. 
2-Намуна 60 мл (20 мл 60%ли HNO
3
+40 мл 32%ли HCl) кислоталар 
аралашмасида Қ:С=1:3 нисбатда эритилди. Ҳосил бўлган қизил рангли 
суспен-зия максимал тўлиқ эриши учун 70-80
о
С да 2 соат давомида 
аралаштириб турилди, кейин совутилиб, қаттиқ фаза фильтрлаб ажратилиб, 
ювиб олинди. Эриш давомида суспензиянинг қизил-қўнгир ранги вақт ўтиши 
давомида кучсизланиб аввал кулранг, кейин оқ хира рангга, эритма тўқ 
лимон рангига кирди. Эритмани фильтрлашгача эритмадаги чўкма ҳажми 1-
намунадагига нисбатан кам эди, лекин совутиш жараёнида оқ-хира рангли 
чўкма ҳосил бўлиши кучайиб, ювиб олиш жараёнида оқ-хира рангли қолдиқ 
юзасида мўл оқ рангли чўкма ҳосил бўлиши кузатилди. Қаттиқ қолдиқнинг 
массаси 14,61 г (73,05%) ни, эриган намуна массаси 5,39 г (26,95%) ни 
ташкил этди. 
Эритмалар таркибидаги элементлар миқдори «Quantima» Индуктив 
плаз-мали оптик-эмиссион спектрометри (Австралия, GBC Scientifiс 
Equipment PTY Ltd), λ=180-800 нм интервалида, «AccuStandard»(АҚШ) 
стандарт эритмаларидан фойдаланиб аниқланди. Тахлил натижалари 
куйидаги жадвалларда келтирилган.