Генетика, геномика ва биотехнологиянинг замонавий муаммолари

 
 
БЕЗГАК УЧУН ДАВО ВА НОЁБ АРТЕМИЗИНИН 
МОДДАСИНИНГ ТИББИЁТДАГИ АҲАМИЯТИ 
Рахманов Б.К., Буриев З.Т., Шапўлатов У.М., Убайдуллаева Х.А.,
Шерматов Ш.Э., Абдурахмонов И.Ю. 
ЎзР ФА Геномика ва биоинформатика маркази 
111215, Ўзбекистон Республикаси, Тошкент вил., Қибрай тум, Университет кўча, 2-уй 
[e-mail] 
Дунёда безгак ҳам худди сил ва ОИТС сингари ўлимга олиб келувчи 
ҳавфли касаллик ҳисобланади. Ҳалқаро “Безгакни тугаллаш” (Roll back 
malaria) дастури бўйича интилиш ва изланишларга қарамай “Бутун дунё 
безгак касаллиги бўйича ҳисобот - 2008”га кўра безгак касаллиги ҳозиргача 
109 давлатда тахминан 3 миллиард одамга ўз таъсирини ўтказиб келмоқда, 
шундан 45 таси Бутун Жаҳон Соғлиқни Сақлаш Ташкилоти (WHO) 
назоратидаги регионларга тўғри келади. Ҳар йили бу касаллик янги 350-500 
миллион инфекцион касалликларни келтириб чиқаради ва у 1-3 миллион 
одамни ҳаётдан олиб кетади, буларнинг аксариятини ёш болалар (<5 ёш) ва 
ҳомиладор аёллар ташкил этади. Ушбу касаллик кузатилаётган 
давлатларнинг иқтисодий ривожланиш потенциалига салбий таъсир этиши.

---

Материалы конференции «Современные проблемы генетики, геномики и биотехнологии», 18 мая 2016г. 
178 
Бир йиллик шувоқ
(Artemisia
annua) 
ўсимлигининг машҳур иккиламчи 
метаболити, яъни артемизинин безгакка қарши энг самарали восита 
ҳисобланади, бундан ташқари у инсонда учрайдиган турли хил 
касалликларни даволашда қўлланилувчи юқори потенциалга эга модда 
ҳисобланади, унинг иммун тизимини кучайтирувчи, шистосомоз ва одам 
цитомегаловируси, гепатит B, С вируси, ВИЧ ва янада эътиборлиси 
саратоннинг турли формаларида мувафаққиятли фаоллиги аниқланган. Аммо 
артемизинин моддаси 
A.
annua 
таркибида жуда кам миқдорда (0,1-1,4%) 
учрайди.
Бутун Жаҳон Соғлиқни Сақлаш Ташкилоти томонидан тиббиёт соҳасида 
учраётган турли муаммоларни ҳал қилиш мақсадида ҳам артемизинин 
моддасидан фойдаланган ҳолда даволаш амалиёти тавсия этилган. Бунинг 
оқибатида 
A. annua
ўсимлиги кўп давлатларда қимматли қишлоқ хўжалиги 
экинига айланди. 
Тиббиётда қўллаш учун ҳозирги кунда дунёда 232-262 тонна 
артемизинин моддаси ишлаб чиқарилади, унга бўлган талаб эса 289 тоннани 
ташкил этади. Безгак касаллигидан ташқари артемизинин моддасининг 
бошқа турли касалликларни даволашда қўлланила бошланиши ва бир йиллик 
шувоқ ўсимлигидан уни етарли миқдорда олиш имкони йўқлиги инобатга 
олинса, яқин келажакда артемизининга бўлган талаб сезиларли даражада 
ортиши кутилмоқда.
Шу сабабларга кўра, артемизинин моддаси устида тадқиқотлар олиб 
бориш, ҳамда юқори миқдорли ва сифатли маҳсулотга бўлган эҳтиёжларни 
қондириш давр талаби ва энг долзарб муаммолардан биридир. Бунинг учун 
дунё олимлари артемизинин моддасини биотехнология ва метаболомика 
мухандислиги усуллари орқали турли ўсимлик ва микроорганизмлар 
ёрдамида олишга шиддат билан киришиб кетишган. 
Геномика ва биоинформатика марказида ҳам артемизинин моддасини 
биотехнологик усуллар ёрдамида ишлаб чиқариш бўйича илмий изланишлар 
олиб борилмоқда ва ижобий натижалар кутилмоқда. Тадқиқотларимиздан 

---

Материалы конференции «Современные проблемы генетики, геномики и биотехнологии», 18 мая 2016г. 
179 
кўзланган мақсад, қимматли ва доривор артемизинин моддасини сифатли ва 
кўп миқдорда синтезловчи янги ғўза генотипларини иқтисодий самарали 
усуллар ёрдамида олиш, улар орқали ушбу модда синтезига алоқадор 
генларнинг вазифасини тўлароқ тушуниш, тиббиёт ва фармацевтика 
саноатини артемизинин моддаси билан таъминлаш, ҳамда буни экспортга 
йўналтиришдан иборатдир. 
Фойдаланилган адабиётлар рўйхати 
1.
WHO, World Malaria Report, 2013. 
2.
Skarbinski J, Eliades MJ, Causer LM, Barber AM, Mali S, Nguyen-Dinh P et 
al. Malaria Surveillance --- United States, 2004. MMWR Surveill Summ. 
2006;55(SS04):23-37. 
3.
Oliveira-Ferreira J, Lacerda MV, Brasil P, Ladislau JL, Tauil PL, Daniel-
Ribeiro CT 2010. Malaria in Brazil: an overview. 
Malaria J 9
: 115. 
4.
A2S2 market intelligence, 2012. http://www.a2s2.org/market-data.