Электр юритувчи куч

---

Электр юритувчи куч

Электр юритувчи куч 
Электрокимё 
аслида Гальванининг 
қурбақа 
устида ўтказган 
тажрибаларидан бошланган: мис ва темир металлари электродлар вазифасини 
бажариб, гальваник элементни ҳосил қилган. Шу сабабли, электрофизиология ва 
электрокимёнинг асосчиси бўлган Гальванининг номи билан кўп илмий атамалар 
номланган: гальваник элемент, гальванометр, гальванопластика, гальваностегия, 
гальваник ток ва бошқалар. 
Вольта 1799 йилда электр энергиянинг биринчи кимёвий манбаини яратди: 
турли металлар туташган чегарада потенциаллар фарқи пайдо бўлади, буни вольта-
потенциал дейилади (Вольтанинг контакт назарияси фанда узоқ вақт хукм сурган). 
1889 йилда Нернст гальваник элемент электр юритувчи кучи (ЭЮК) нинг 
“осмотик” назариясини яратган. Нернст назарияси Вольтанинг контакт 
назариясини бутунлай инкор этиб, электрод-эритма чегарасида потенциаллар 
сакраши (гальваник потенциал) пайдо бўлишининг ягона сабаби қўш электр 
қаватининг ҳосил бўлишидир, деб тушунтирган. Агар электрод потенциалининг 
пайдо бўлишига фақатгина электрод-электролит чегарасидаги қўш электр қават 
сабабчи бўлганда, айрим металларнинг стандарт солиштириш электродига 
нисбатан ўлчанган “ноль зарядли потенциали” нолга тенг бўлиши керак эди 
(“металларнинг ноль нуқтаси” деб ҳам аталади). Фрумкиннинг XX асрнинг 30-
йиллардаги изланишларига кўра, ноль зарядга эга бўлган металларнинг 
потенциаллари ҳам нолга тенг эмас экан. Демак, электрод билан электролит 
чегарасида умуман қўш электр қават пайдо бўлмаган тақдирда ҳам электроднинг 
потенциали нолдан фарқ қилиши Нернст назариясининг нотўғри эканлигини 
кўрсатди. 
Металлар физикасининг ривожланиши натижасида турли металлар 
туташтирилганда потенциаллар фарқи пайдо бўлиши кўрсатилди. Квант 
назариясига биноан, потенциаллар фарқига металлдаги озод электронлар 
энергияларининг Ферми сатҳлари турлича бўлганлиги сабаб бўлади ва металлар 
туташтирилганда Ферми сатҳлари тенглашгунча электронлар бир металлдан 
иккинчисига оқиб ўтади. 
Ҳозирги замон тушунчасига биноан, электроднинг потенциали икки металл 
чегарасидаги вольта-потенциал ва электрод-эритма чегарасида қўш электр қават 
ҳосил бўлиши билан белгиланувчи гальвани-потенциалларининг йиғиндисига 
тенгдир.