Электр юритувчи куч

Гальваник элементлар. Қайтар ва қайтмас электрокимёвий 
занжирлар. Якоби-Даниэль элементи 
Кимёвий реакция энергиясини электр энергияга айлантириб берувчи 
система электрокимёвий занжир ёки гальваник элемент дейилади. Амалиётда 

---

ишлатиб келинаётган электрокимёвий занжирга мисол қилиб мис ва рух қайтар 
электродлардан иборат Якоби-Даниэль элементини келтириш мумкин. 
Якоби-Даниэльнинг 
электрокимёвий 
занжири 
иккита 
қайтар 
электродлардан ташкил топган бўлиб, қайтар гальваник элементга мисол бўла 
олади. Ташқи занжир орқали уланмаган гальваник элементда мувозанат ҳолат 
бўлмайди, лекин шундай ҳолат узоқ муддатгача сақланиб туриши мумкин. 
Электродлар металл ўтказгич ёрдамида уланган ондаёқ бундай тормозланган ҳолат 
бузилади. Ташқи занжирда, яъни металл ўтказгичда электронларнинг ҳаракати 
кузатилади ва бундай ҳаракатлар билан бир вақтнинг ўзида электродларнинг 
бирида оксидланиш (манфий қутб – катод) Zn →Zn
2+
+ 2 e иккинчисида 
қайтарилиш (мусбат қутб – анод) Cu
2+
+ 2e →
Cu реакциялари боради. Иккала 
электрод жараёнларининг натижавий реакциясини қуйидагича ёзиш мумкин: Zn 
+Cu 
2+
→Zn
2 
+
+Cu 
2
+
. Бу реакциялар термодинамик нуқтаи назардан қайтмас бўлади 
ва мувозанат ҳолат вужудга келиши билан тўхтайди.
Гальваник элементнинг электр энергияси ҳосил бўлишида асосий ролни 
металл-эритма чегараси ўйнаши кўриниб турибди. Бу фикр биринчи бор 1837 йили 
Де Ля Рив томонидан айтилган, у гальваник элементнинг кимёвий назариясини 
таклиф қилган. Ушбу назария Нернст ва Оствальдлар томонидан XIX асрнинг 
охирида асосланган. Аммо бу назарияда икки металл чегарасида контакт 
натижасида ҳосил бўладиган потенциаллар фарқи хисобга олинмаган. 
Якоби-Даниэль элементида Zn эритмага нисбатан манфий, Cu эса мусбат 
зарядланади. Агар электродларни металл ўтказгич билан уласак, электронлар Zn 
дан Cu га оқа бошлайди, бунда металларнинг эритмага нисбатан заряди йўқолади 
ва ионларни электродлар ёнида ушлаб турган кучлар ҳам йўқолиб, ионлар иссиқлик 
ҳаракати натижасида эритмада текис тақсимланади, яъни қўш электр қават 
бузилади. Бунинг натижасида Zn нинг оксидланиши (ионлар кўринишида эритмага 
ўтиши) ва Cu нинг қайтарилиши (мис ионларининг эритмадан металл сиртига 
ажралиб чиқиши) бошланади. Демак элементда ташқи занжирдан доимий электр 
токи оқимини таъминлаб турувчи жараёнлар боради. 
Термодинамик жиҳатдан қайтар бўлган жараёнларда максимал электр иши 
бажарилади. Бундай шароитларда ўлчанган икки электрод орасидаги потенциаллар 
фарқи гальваник элементнинг электр юритувчи кучи дейилади