Microsoft Word musaffo osmon ziyouz com doc

www.ziyouz.com kutubxonasi 
4
uchratgan edi. Mana, nihoyat, ertaga o‘sha xonimlarni u o‘z ko‘zi bilan ko‘radi. 
— Lekin albatta, kelgin-a, bilding? — deb yana iltimos qildi Mo‘ltoniy. 
— Urinib ko‘raman, urinib ko‘raman, — dedi Ishoq yasama beparvolik bilan. — Ertaga meni avliyo 
Ksaveriy kolleji professorlari choyga taklif qilishgan, keyin Xitoy elchixonasida hind tasviriy san’ati 
to‘g‘risida nutq so‘zlashim kerak, kechqurun kinodramaturglar anjumani “Toj”da ziyofat beradi. 
Qayoqqa borishimni ham bilmay qoldim. 
— Yo‘q, yo‘q! Albatta mening kemamga bor! Bilding! 
— Harakat qilaman, og‘ayni, urinib ko‘raman! — dedi Ishoq mutlaqo loqayd kayfiyatda va 
xayrlashib jo‘nab ketdi. 
Ammo ertasi kuni u soat besh yarimdayoq kemaga o‘tadigan yo‘lakka kelib turgan edi. 
* * * 
Hozir Ishoq kottej ayvonida shezlongda oyog‘ini uzatib, ko‘zini yumib yotarkan, Jamila bilan 
birinchi marta uchrashgani ko‘z oldida aniq namoyon bo‘ldi... 
Ishoq bilan Mo‘ltoniy kema palubasida turishardi. Shu payt Kalteks shirkatiga qarashli benzin 
ombori bilan qop-qora ulkan omborlar orasida, ular ustiga bosh eggan mahobatli kranlar tagida, 
yo‘lakda mo‘‘jazgina yashil avtomobil ko‘rindi. U shundoqqina “Nizom” zinasi tagiga kelib to‘xtadi. 
Mashina eshigi ochilib, undan birin-ketin uchta qiz sakrab tushdi. Ular shu zahoti zinadan kema 
bortiga ko‘tarila boshladilar. 
Sharq ayoli o‘z oyog‘ining to‘pig‘idan yuqoriroq qismini ochib yurishi mumkin yo mumkin emasligini 
bilolmay, haligacha taraddudlanib kelmoqda. Uning taraddudlanishini, ayniqsa, zinadan 
ko‘tarilayotgan chog‘ida kuzatish maroqli. Dastavval u sarisini salgina ko‘tarib oladi, keyin birdan 
uyalib ketib, shosha-pisha etagini tushiradi. Lekin bu alpozda zinadan ko‘tarilish ancha mashaqqatli, 
shunda u yana sarisini ko‘tarib ichki yubkasi etagini ochadi, ammo bir qadam yurishga ulgurmay, 
etagini bosib qoqilib ketadi. Xullas, sari dam ko‘tariladi, dam tushiriladi, ayol nima qilishini bilmay, 
goh xijolat bo‘lib jilmayadi, goh cho‘g‘day qizarib ketadi. 
Bunaqa manzara Ishoqning joni-dili edi; uning taxminicha, ayolni bir vaqtning o‘zida ham “ha”, 
ham “yo‘q” deyishga majbur etuvchi og‘ma xislat, ayniqsa, uning zinadan chiqayotgan paytida aniq 
namoyon bo‘lardi. 
“Nizom” kemasi zinasidan chiqayotgan qizlar ham aynan shunday vaziyatni boshdan kechirdilar. 
Ular qiynala-qiynala, nihoyat, zinaning eng yuqori pog‘onasiga ko‘tarilishdi, vale oxirgi g‘ovni, ya’ni 
zinadan palubaga sakrab o‘tiladigan g‘ovni zabt etish uchun ularda endi majol qolmagan edi. Ishoq 
xonimlarga yordam qo‘lini cho‘zib, har birini bitta-bittadan palubaga olib o‘tdi. Shu zahoti qizlarga jon 
kirdi va baralla xoxolab kulib yubordilar. Ular xuddi: “Xayriyat-e, bir azob orqada qoldi”, demoqchi 
bo‘lganday, gul-gul yashnab kulishdi. 
Mo‘ltoniy qizlarni tanishtirdi: 
— Bu — Jamila... Shakuntala... miss Sanjana... 
Jamila — arabcha ism. Shakuntala — hind qizi, Sanjana — fors bo‘lsa kerak; lekin uchovlari ham 
yoshgina, sog‘lom, latifa qizlar. 
“Bunaqa qizlar yigit qonini jo‘sh urdiradi, xuddi to‘lin oy balqigan tundek, — deb o‘yladi Ishoq. — 
Bugun rosa miriqib mayxo‘rlik qilamiz!” 
* * * 
Lekin mayxo‘rlik uncha o‘ngmadi. Vaqtixushlik ham sira qovushmadi. Ikkinchi mexanikning 
kayutasida uchala qiz torgina divanda siqilishib o‘tirisharkan, shampan vinosini ichishganda, xuddi 
birov ularni zo‘rlab achchiq dori ichirayotganday, aftlarini burishtirardilar. Mo‘ltoniy ular ro‘parasidagi 
oromkursida faqat suv ichib o‘tirdi — ma’lum bo‘lishicha, u spirtli ichkilikni mutlaqo og‘ziga olmas 

---

Musaffo osmon (qissa). Krishan Chandar