|
Шарқ фалсафасида инсон.
Қадимги Шарқ, хусусан Хитой фалсафий
тизимлари асосан социоцентрик концепциялардан иборат бўлиб, уларда
инсон, одатда, жамият, социум билан узвий боғлиқ деб қаралади
. «Идеал
муносабатлар қонуни»га одамлар ўртасида, оила, жамият, давлатда риоя
қилиш инсон ҳаѐтининг муҳим маъноси ҳисобланади; бунга жамиятда қабул
қилинган меъѐрлар, қоидалар, расм-русумлар ва шу кабиларга иззат-икром
135
билан ѐндашиш имконият яратади. Бошқача айтганда, инсон ўз шахсий
ҳаѐтини доим жамият равнақи, камолоти билан ўлчаши лозим, хусусан, у
кейинчалик оила ва давлатни такомиллаштиришга ҳаракат қилиш учун ўзини
камол топтириши лозим. Шу маънода машҳур қадимги хитой файласуфи
Конфуций (мил. ав. 551-479 йиллар)нинг фикрлари диққатга сазовор бўлиб, у
шундай деб сабоқ беради: «қилмишларнинг асослари ва тамойилларини
ўргансанг, яхшилик ва ѐмонлик ҳақидаги фикрларинг (ахлоқий билимлар)
баркамолликнинг энг сўнгги даражасига етади. Ниятлар соф ва холис бўлса,
қалб ростгўй ва самимий бўлади. Қалб ростгўй ва самимий бўлса, инсон
тўғри йўлга киради, камол топади. Инсон тўғри йўлга кирса ва камол топса,
оилада тартиб ўрнатилади. Оилада тартиб ҳукм сурса, халқларни бошқариш
осонлашади. Халқларни бошқариш осонлашса, бутун дунѐ тинч-тотув
яшайди»
27
.
Қадимги ҳинд фалсафасига дунѐнинг ички дунѐсини биринчи ўринга
қўйиш, яъни антропоцентризм хосдир
.
Масалан, буддизмда нирванага эришиш инсон барча ниятларининг
пировард мақсади деб эълон қилинади. Нирвана жоннинг шундай бир
ҳолатики, бунда ҳар қандай майллар йўқолади ва ички уйғунлик юзага
келади, мутлақо эркинлик ва ташқи дунѐга қарам эмаслик туйғуси пайдо
бўлади.
Қадимги ҳиндларнинг бошқа бир диний-фалсафий таълимоти –
жайнизм нуқтаи назаридан инсон ўзининг маънавий моҳияти билан моддий
моҳиятни назорат қилиш ва бошқаришга эришиш учун узоқ ва оғир йўл –
жоннинг эркинлашуви йўлини босиб ўтиши лозим.
Марказий Осиѐ мутафаккирлари қарашларида инсонни назарий ақл
бошқаради.
Жумладан
ал-Форобий
фикрича
―Инсон
шахсини
шакллантирадиган, уни бошқа махлуқотлардан ажратиб турадиган ва унда
инсоний хислатларни ривожлантирадиган нарса унинг фаол ақлидир. Бу куч
аввал- бошда фақат қобилиятдир, бу қувват ўйлаш, мулоҳаза юритишга
қобил, аммо ҳаѐтга тадбиқ этиш, яъни жорий қилишга қобил эмас‖
28
. Ақлни
ҳаѐтга тадбиқ этиш учун, унга ташқи куч таъсир этиши керак, бу эса фаол
ақлдир.Фаол ақл - мустақил қувват бўлиб, ўз моҳияти, биринчи, иккинчи ва
бошқа сабаблар моҳияти ҳақида фикрлай олади. Айнан шу фаол ақл одам
имкониятларининг ташқи воқеаларга таъсир этиши ва уни ривожлантиришга
туртки беради. Форобий таъбири билан ―моддий ақлдан амалий ақлнинг
юқорироқ пиллапоясига кўтарилади ва унинг фаол ақлга муносабати қуѐш
билан кўзни солиштирландек бўлади‖
29
. Агар қуѐш бўлмаса, инсон
нарсаларни кўра олмайди. Фаол ақл қуѐши инсон руҳида пайдо бўлганидан
кейин, ақлий қувват фаол ақлга қарайди. Инсон табиат гултожи, яъни ақлли
мавжудод. Юсуф Хос Хожиб фикрича, инсон дунѐда абадий эмас, бу дунѐга
келган ҳар қандай одам вақти етгач кетади. Инсон умрининг қиммати неча
27
Будда. Конфуций. Жизнь и учение. – М.: 1995. – С.-139.
28
Форобий Абу Наср. Фозил шаҳар аҳолиси. -Т.: Шарқ, 1999.- Б.- 69.
29
Ўша манба, –Б.-73.
136
йил яшагани билан эмас, қандай эзгу ишларни амалга оширганлиги, ҳаѐтда
қолдирган изи билан белгиланади. У киши оламдан ўтгандан сўнг, бу дунѐда
ундан икки хил, бири ѐмон, иккиничиси яхши деган ном қолади Инсон
иложи борича ўзидан яхши ном қолдириши, яхши олқиш олиши лозим деб
таъкидлаган.
Умуман олганда, барча замонларда инсонда умумий асосни излаш
билан банд бўлган Шарқ тафаккурига ҳозир ҳам инсонни ва унинг ташқи
дунѐ билан алоқасини тушунишга нисбатан Ғарб фалсафасидагидан ўзгача
ѐндашув хосдир. ХХ аср бошида ҳинд мутафаккири С.Вивекананда шундай
деб ѐзган эди: ―Инсон табиатни ўзига бўйсундириш учун туғилади ва бу
ўринлидир, аммо Ғарб «табиат» деганда фақат моддий, ташқи дунѐни
тушунади. Бу ташқи табиат ўзининг барча тоғлари, океанлари, дарѐлари,
ўзининг чексиз кучлари, чексиз ранг-баранглиги билан жуда улуғвор, лекин
ундан ҳам улуғворроқ дунѐ борки, бу инсоннинг ички дунѐсидир. У қуѐш,
юлдузлар, ер ва бутун моддий Коинотдан юксакроқ, бизнинг шахсий жажжи
ҳаѐтларимизнинг тор чегарасига сиғмайдиган дунѐдир. Ғарб одами ташқи
дунѐда «ўзиники» бўлганидек, бу ички дунѐда Шарқ одами ҳам худди
шундай «ўзиники»дир. Шу боис... Ғарб маънавий дунѐ нима эканлигини,
худо нима эканлигини, инсон жони нима эканлигини билмоқчи, дунѐнинг
сири ва мазмуни нимада эканлигини англаб етмоқчи бўлса, у Шарқ оѐқлари
остига чўкиб қулоқ солиши керак. Ҳамонки дунѐ ҳозир маълум маънавий
уйғонишга муҳтож экан, бунда у кучни Шарқдан олади‖
30
.
..
30
Вивекананда Свами. Философия йога. – Магнитогорск, 1992. – С.-488-489.
137
Ибн Халдун фикрича, инсон табиатида эзгулик ва ѐвузлик мавжуд.
Агар одамлар ўз ҳолига қўйилса ва инсонийлик руҳида тарбияланмаса, унда
Худо неъматини қўлга киритиш камдан –кам кишига муяссар бўлади. Хайр
ва шарр оралиғида қолиб, ҳар иккисидан бирини танлаш лозим бўлганида,
жуда кам одам хайр томонига ўтади. Чунки инсон табиати хайрдан кўра
шаррга мойил. Адолатсизлик ва бошқаларга ҳужум қилиш инсонларга хос
хислат. Шунинг учун бадавий жамиятда ҳам, шаҳар жамиятида ҳам
кишиларнинг бир-бирларига жабр қилмасликларига йўл қўймаслик учун
муҳим омил мавжуд бўлиши зарур . Келтирилган сўзлар нафақат теран
маънога эга, балки ҳозирги дунѐнинг глобаллашуви ва ягона инсониятнинг
шаклланиши нуқтаи назаридан алоҳида аҳамият касб этади.
Do'stlaringiz bilan baham: |
