Зиёвуддин Раҳим 2 бисмиллаҳир роҳМАНир роҳийм!

“Кофир бўлган кимсалар: “Ўзимиз ҳам, ота-боболаримиз ҳам тупроққа айланиб кетган 
вақтимизда 
(қайта тирилиб, қабрларимиздан)
 чиқарилувчимизми?! Ҳақиқатан, бизларга ҳам, илгари 
ота-боболаримизга ҳам мана шу ваъда қилинганди. 
(Лекин, ҳеч ким ўлганлар қайта тирилганини 
кўргани йўқ. Демак,)
 бу фақат ўтганлар афсонасидир”, дейдилар”
(“Намл” сураси, 67-68-оятлар).
Аллоҳ борлигини инкор этадиган, пайғамбарларга, охиратда қайта тирилишга ишонмайдиган 
кимсалар: “Тупроққа айланганимиздан кейин тирик одам шаклига қайтариламизми?! Ўлганимиздан 
кейин тирилиб, қабримиздан чиқиб келамизми?! Бу гапни биз ҳам, аввал яшаган аждодларимиз ҳам 
эшитган, бизга шу иш бўлиши айтилган, лекин унинг содир бўлганини ҳеч кўрмадик. Ўлимдан кейин 
қайта тирилиб, қабрлардан чиқиб келиш ҳақидаги гап аввалгилардан қолган, тилдан тилга, авлоддан 
авлодга ўтиб келаётган чўпчак холос. Агар рост бўлганида қайта тирилиш шу пайтгача рўй берарди”, 
дейишди. 
Кофирлар ўзларига юқори баҳо беришган, ҳамма нарсани моддият кўзойнаги орқали кўриб, калта 
ақллари, бузуқ мезонлари билан ўлчашган. Шунинг учун пайғамбарлар келтирган хабарларни ақлбовар 
қилмас гаплар, деб ҳисоблаб инкор этишган. Аслида Аллоҳ тарафидан келтирилган нарсаларни сўзсиз 
қабул қилишганида ўзларига яхши бўларди. 
Қуръони каримда қиёматга ишонмайдиган кимсалар оқибат қандай бўлиши қуйидагича 
ифодаланган: 
“--------------------------- Арабий матн --------------------------“ 
“
(Эй Муҳаммад соллаллоҳу алайҳи ва саллам,)
агар ажаблансангиз, у ҳолда 
(кофирларнинг:)
 
“Тупроқ бўлиб кетгач, биз яна янгитдан яратилар эканмизми?” деган гаплари ажабланарлидир. 
Улар 
(ўзларини яратган)
 Парвардигорларига кофир бўлган кимсалардир. 
(Қиёмат кунида)
 уларнинг 
бўйинларида кишанлар бўлади. Улар дўзах эгалари бўлиб, ўша ерда абадий қоладилар”
(“Раъд” 
сураси, 5-оят). 
Яъни: Эй Муҳаммад соллаллоҳу алайҳи ва саллам, Аллоҳ борлигига, улуғлигига, ёлғизлигига 
ҳужжат-далил келтирилганидан кейин манави мушриклар тариқча зиён ҳам, фойда ҳам бера олмайдиган 
бутларга топинишларидан ажаблансангиз, улар қайта тирилишни ёлғонга чиқаришлари, “Бўлиши мумкин 
эмас. Суякларимиз тупроққа айланиб кетганидан кейин Аллоҳ бизни тағин ҳаётга қайтарадими?!” 
дейишлари бундан ҳам ажабланарлидир. Мана шу гапларни айтаётган кимсалар Аллоҳ таолога, У 
Зотнинг қудратига куфр келтиришган. Жаҳаннамда кофирлар бўйнига кишан солинади. Улар дўзахда 
абадул абад азобланишади, ҳеч қачон у ердан чиқиб кета олишмайди. 
Яна бир оятда айтилади: 

---

62 
“--------------------------- Арабий матн --------------------------“