Холдор Чиниқулов, Анвар Жўлиев

Органик дунѐси
. Триас даврининг органик дунѐси перм 
давридагидан анча ўзгача бўлган. Бу давр учун йирик игнабаргли 
дарахтларнинг кўплиги характерли бўлган, уларнинг қолдиқлари 
триас континентал ѐтқизиқларида кўплаб учрайди. Аризонанинг 
шимолидаги чинг формациясининг гилли сланецларида тошқотган 

---

400 
дарахт таналари кўплаб учрайди. Сланецларнинг нураши туфайли 
улар очилиб қолган ва тошли ўрмонларни ҳосил қилган. Сагов-
никли ўсимликлар (ѐки цикадофитли) кенг тарқалган. Уларнинг 
баъзи турлари ҳозирги тропик районларда ҳам учрайди. 
Умуртқасизлардан энг кенг тарқалганлари моллюскалар 
бўлган. Уларнинг орасида аммонитлар (200-расм) устиворликка 
эга бўлган. Иккитавақали моллюскаларнинг кўплаб турлари 
яшаган. 
Умуртқалилар эволюциясида 
ҳам кескин ўзгаришлар содир 
бўлган. 
Ҳали 
стегоцефаллар 
мавжуд 
бўлсада, 
судралиб 
юрувчилар 
устиворликка 
эга 
бўлган. Уларнинг орасида янги 
гуруҳлар (масалан, танасининг 
шакли 
ҳозирги 
замон 
тимсоҳлариникига 
ўхшаш 
фитозавр) пайдо бўлган. Триасда 
оддий 
аждодларидан 
анча 
ривожланган дастлабки ҳақиқий 
динозаврлар пайдо бўлган. Уларнинг оѐқлари судралиб 
юрувчиларникидан фарқли ўлароқ сутэмизувчиларники каби 
пастка қараган (тимсоҳларники ѐнга қараган). Бу уларнинг 
танасини ердан баланда тутиб туриши ва ҳаракатланиши учун 
қулайлик яратган. Динозаврлар узун думи ѐрдамида мувозанатни 
сақлаб орқа оѐқлари ѐрдамида (кенгуру каби) ҳаракатланган. 
Баландлиги 30 см дан 2,5 м гача борган. Баъзи судралиб 
юрувчилар денгиз муҳитида яшашга мослашган. Масалан, танаси 
акуланикига ўхшаган, оѐқ-қўллари курак ва сузгич оралиғидаги 
шаклга ўзгарган ихтиозаврлар ва танаси яссиланган, бўйни 
узайган, оѐқ-қўллари куракка айланган плезиозаврлар шулар 
жумласидандир. Ҳайвонларнинг бу икки гуруҳи мезозой 
эрасининг кейинги даврларида кўпчиликни ташкил этган.