Лойиҳа матни 48576-(51956)

19-modda. Davlat xizmatchisi faoliyatidagi cheklovlar
Davlat xizmatchisi quyidagilarga haqli emas:
mansab vakolatlarini siyosiy partiyalar, jamoat birlashmalari va ularning organlari manfaatlari
yo‘lida amalga oshirishga, davlat hokimiyati vakillik organiga saylangan siyosiy davlat xizmatchilari
bundan mustasno;
ilmiy, sport, pedagogik hamda innovasion g‘oya va takliflarni tatbiq etish bilan bog‘liq
faoliyatdan tashqari tadbirkorlik va haq to‘lanadigan boshqa turdagi faoliyat bilan shug'ullanishga;
o‘z xizmat mavqeini suiiste’mol qilgan holda fuqarolar, jamiyat va davlatning qonuniy
manfaatlariga zarar yetkazish orqali shaxsiy foydani olishga;
o‘z xizmat vazifalarini bajarishi munosabati biror-bir moddiy boyliklarni olish yoxud jismoniy
yoki yuridik shaxslardan boshqacha naf ko‘rishga.
Davlat xizmatchisiga mazkur moddada belgilangan cheklovlardan tashqari boshqa cheklovlar
Qonunchilik hujjatlari bilan belgilanishi mumkin.
20-modda. Davlat xizmatchisining siyosiy partiyalar, jamoat
birlashmalari va ularning organlarining
manfaatlaridan xoli faoliyatni amalga oshirish
Davlat xizmatchisi Qonunchilik hujjatlariga muvofiq tartibda siyosiy partiyalar, jamoat
birlashmalari va ularning organlarining a’zosi bo'lishi mumkin.
Siyosiy partiyalar, jamoat birlashmalari va ularning organlarining a’zosi bo‘lgan davlat
xizmatchisi bu haqda darhol davlat tashkilotining kadrlar bilan ishlab bo'linmasini habardor qilishi lozim.
Davlat tashkilotlari rahbarlari o‘z xodimlaridan ular mehnat vazifalarini bajarayotgan paytda
partiya nomidan siyosiy faoliyat bilan shug'ullanishni talab qilishi man etiladi.
Davlat tashkilotida siyosiy partiyalar va diniy tashkilotlarning tashkiliy tuzilmalari tashkil

---

project.gov.uz
13.12.2021
8
etilishiga hamda faoliyat yuritilishiga yo‘l qo'yilmaydi.