Лойиҳа матни 48576-(51956)

project.gov.uz
13.12.2021
10
korrupsiyaga qarshi ichki nazorat tuzilmalariga yoki huquqni muhofaza qiluvchi organlarga
murojaat qilib ta’qib qilishdan himoyalanish;
yuqori turuvchi davlat tashkilotiga yoki sudga murojaat qilish.
Davlat xizmatlarining faoliyati xususiyatlaridan hisobga olgan holda qonunchilik hujjatlarida
qo'shimcha huquqlari belgilanishi mumkin.
25-modda. Davlat tashkilotlarida rahbar lavozimdagi
davlat xizmatchisining odob-axloq majburiyatlari
Davlat tashkilotlarida rahbar lavozimdagi davlat xizmatchisi ushbu Kodeksning 24-moddasida
nazarda tutilgan odob-axloq huquq va majburiyatlaridan tashqari quyidagilarga majbur:
o‘z mansab majburiyatlarini bajarishda mazkur Kodeksda belgilangan odob-axloq normalari va
tamoyillarga so‘zsiz rioya qilinishida shaxsiy namuna ko'rsatish;
ta’qib qilishga yo'l qo'ymaslik va xodimlarga mehnatga haq to‘lash, rag‘batlantirish, va xizmat
bo‘yicha ko‘tarilishida teng huquq va imkoniyatlarga kafolat berish;
o‘ziga bo‘ysunuvchi xodimlar bilan munosabatlarini uzoq muddatli hamkorlik qilish, maqsadlar
umumiyligi, o'zaro manfaatlarni hurmat qilish va hisobga olish, ijtimoiy sheriklikni o'rnatish;
manfaatlar to‘qnashuvini oldini olish va hal qilish bo‘yicha o‘z vaqtida birlamchi choralarni
ko‘rish;
guruhbozlik, mahalliychilik, tanish-bilishchilik, favoritizm ko‘rinishlarining, shuningdek o‘z
xizmat vazifalarini bajarish jarayonida boshqa salbiy omillarning qat’iy ravishda oldini olish;
korrupsiyani oldini olish, shuningdek, korrupsiyaga qarshi kurashishda faol qatnashadigan
xodimlarni himoya qilish va rag‘batlantirish bo‘yicha choralar ko‘rish;
vazifalar doirasini aniq belgilab olish va bo‘ysunuvchi xodimlar o‘rtasida ularning mansabi va
kasbiy layoqatidan kelib chiqib taqsimlash, xodimlarning lavozim majburiyatlari doirasidan chetga
chiqadigan vazifalarni bermaslik;
xodimni asossiz ravishda rag'batlantirish va lavozim bo'yicha ko‘tarilishiga yo‘l qo‘ymaslik,
shuningdek, nojo‘ya xatti-harakatlarga qarshi choralar ko‘rish;
xodimlarni majburiy mehnatda, jumladan, shahar hududlarini obodonlashtirishda, mavsumiy
qishloq xo'jaligi ishlarida, metall qoldiqlarini yig‘ishda, shuningdek, boshqa mavsumiy tadbirlarda
qatnashishlarini oldini olish (tegishli tashkilot hududida O'zbekiston Respublikasi Prezidenti yoki
Vazirlar Mahkamasining tegishli qarori bilan xavfsizlik standartlariga qat’iy rioya qilingan holda
ixtiyoriy hashar tashkil etiladigan hollar bundan mustasno);
davlat tashkiloti xodimlarini samarali boshqarish, ular tomonidan davlat tashkilotining mol-
mulki va moliyaviy resurslari bilan ehtiyotkor
va tejamkor munosabatda bo‘lishlarini kuzatish;
o‘ziga bo'ysunuvchi xodimlar tomonidan mazkur Kodeksda belgilangan qoidalar buzilishini
oldini olishga bo‘lgan harakatsizligi uchun javob berish.
Davlat tashkilotlari o‘z faoliyati xususiyatlarini hisobga olgan holda o‘zlarining ichki idoraviy
odob-axloq qoidalarida qo‘shimcha majburiyatlar belgilashi mumkin.