Лойиҳа матни 48576-(51956)

8-modda. Qonuniylik prinsipi

---

project.gov.uz
13.12.2021
6
Davlat xizmatchisi O‘zbekiston Respublikasi Konstitusiyasi, ushbu Kodeks va O‘zbekiston
Respublikasining boshqa qonunchilik hujjatlariga aniq rioya etishi va ularning talablarini bajarishi shart.
9-modda. Adolatlilik prinsipi
Davlat xizmatchisi majburiyatini adolatli, tezkor, vijdonan
va yuqori professional darajada bajarishi kerak.
Davlat xizmatchilari majburiyatlarini bajarishda kamsitish hamda ijtimoiy, irqiy, milliy, diniy va
boshqa shu kabi mezonlardan kelib chiqqan holda qo‘llanilishi mumkin emas.
10-modda.
Fuqarolarning huquqlar, erkinliklar va qonuniy
manfaatlari ustuvorligi prinsipi
Davlat xizmatchisi fuqarolarning huquqlari, erkinliklari va qonuniy manfaatlarining buzilishiga
yo‘l qo‘ymaydilar hamda ular buzilgan taqdirda ularning tiklanishiga hissa qo‘shadilar.
11-modda.
Vatanparvarlik va xizmat burchiga fidoyilik
prinsipi
Davlat xizmatchisi o‘z faoliyatini yuksak vatanparvarlik, xizmat burchiga fidoyilik va boshqa
axloqiy fazilatlarga asoslangan holda amalga oshiradilar. Davlat xizmatchisi o‘z xizmat vazifa va
burchlarini shaxsiy manfaati, mafkuraviy va diniy qarashlaridan qat’iy nazar bajarishi shart.
12-modda.
Fuqarolar, jamiyat va davlat manfaatlariga sadoqat
prinsipi
Davlat tashkiloti xodimlari o‘z mansab (xizmat) majburiyatlarini vijdonan bajarishga hamda
fuqarolar, jamiyat va davlat manfaatlari ustuvorligiga rioya etgan holda shaxsiy manfaatlari ta’siri bilan
bog‘liq har qanday harakatlardan o‘zini tiyishi lozim.
13-modda. Halollik prinsipi
Davlat xizmatchisi halolligi o‘z vazifasini vijdonan bajarishida, rostgo‘yligida, nomaqbul
harakatlardan o‘zlarini tiyishida namoyon bo‘ladi. Davlat xizmatchisi beg‘araz bo'lishi, manfaatlar
to‘qnashuvi yoki boshqa shaxslarning bosimlari sababli o'zining kasbiga oid fikr-mulohazasida
tavakkalchilik qilmasligi, davlat tashkilotining obro‘siga salbiy ta’sir ko‘rsatadigan holatlarga yo‘l
qo‘ymasligi kerak.