Бухоро давлат университети жисмоний маданият факультети

 
SOG’LOM AYOL - YURTIMIZNING SOG’LOM GENOFONDI
Xondjonova M.P.,
 o’qituvchi, Buxoro davlat universiteti, Buxoro sh.

Ayol millat yuzidagi nur, qalbidagi quyoshdir. Shu bois jamiyatning barkamolligi ayollar bilan 
bog’liqdir. Mamlakatimizda xotin-qizlarni ijtimoiy-huquqiy jihatdan qo‘llab-quvvatlanishi, ularning ijtimoiy-
siyosiy faolligini oshirish, kasbiy, jismoniy, ma’naviy va intellektual salohiyatini yuksaltirish, mehnat 
faoliyatini oiladan ajralmagan holda olib borishlarini ta’minlash, onalik va bolalikni muhofaza qilish, ularning 
reproduktiv salomatligini yaxshilash maqsadida davlatimiz tomonidan keng ko’lamli islohotlar amalga 
oshirilgan. Xotin-qizlar sportini yaxshilash borasida olib borilgan qator chora- tadbirlar buning yorqin 
misolidir.
Bugun barchamiz yaxshi bilamizki, sport — bu harakat, bu sog‘lom turmush tarzi, o‘z-o‘zidan esa xotin 
–qizlar sportini rivojlantirish yetuk farzandlar voyaga etishi uchun zamin yaratadi. Mamlakatimizda xotin-
qizlar sportiga qaratilayotgan yuksak g‘amxo‘rlik ularning salomatligini yanada mustahkamlash, o‘rtacha umr 

---

“ХОТИН-ҚИЗЛАР СПОРТИ: ИМКОНИЯТЛАР ВА ИСТИҚБОЛЛАР” 
36 
ko‘rish darajasining o‘sishi va sog‘lom farzand dunyoga kelishida muhim o’rin tutadi. Zero, sog‘lom millat 
genofondi avvalo, bo‘lajak onalar ― qizlar salomatligiga bog‘liqdir. Ayni paytda Xotin-qizlar qo’mitasi 
tomonidan qishloq joylarda qizlarni sport bilan muntazam shug‘ullanishga jalb etish, yangi sport ob’ektlari 
qurish va mavjudlarining moddiy-texnika bazasini mustahkamlash, ularni zamonaviy uskuna hamda anjomlar 
bilan jihozlash, yuqori malakali murabbiylar bilan ta’minlashga oid belgilangan vazifalarni bajarish keng 
ko’lamli ishlar amalga oshirilmoqda. Shu bilan birga, xotin-qizlar o‘rtasida suv sporti turlarini keng 
ommalashtirish, suzish havzalarida ular uchun qulay sharoit yaratish, qishloq joylarda qizlarning suv sporti 
bilan ommaviy ravishda shug‘ullanishini tizimli tashkillashtirish, buni qizlar salomatligini mustahkamlash, 
ularda sog‘lom turmush tarzi ko‘nikmalarini shakllantirish katta ahamiyatga ega ekanligini keng jamoatchilik 
o‘rtasida targ‘ib qilish, suzish havzalarida bayram tadbirlari va sport musobaqalarini muntazam uyushtirish 
muhim ekanligi ta’kidlanmoqda. Ayni chog‘da ayollar hamda qizlarni tegishli vazirliklar tasarrufidagi suzish 
havzalariga bepul jalb etish tizimi yaratilgani ayollar sportini rivojlantirishda muhim sanaladi.
Bugungi kunda yurtimizda sport bilan muntazam shug‘ullanayotgan xotin-qizlar salkam ellik foizni 
tashkil etmoqda. Sport turlari bilan o‘quvchilarning faol shug‘ullanishi tufayli virusli infeksiyalar bilan 
kasallanish darajasi 28,7 foiz, pnevmoniya kasalligi 35,2 foiz, bronxit 28,2 foiz va skolioz xastaligiga chalinish 
25,3 foizga kamaydi. Bu millatimiz genofondini sog’lom bo’lishligini, porloq va ishonchli kelajak barpo 
etishimizni ta’minlaydi. Bularning barchasi davlatimiz rahbari tomonidan mamlakatimiz aholisi, birinchi 
navbatda, xotin-qizlar va bolalar salomatligini yaxshilash borasida ko`rsatilayotgan doimiy g’amxo`rlikning 
samarasidir. Zero, Vatanimiz kelajagi ana shunday sog’lom onalar va bolalarga bog’liq.