Бухоро давлат университети жисмоний маданият факультети

 
БОШЛАНҒИЧ СИНФ ЎҚУВЧИЛАРИНИ ТАБАҚАЛАШГАН ЖИСМОНИЙ ТАРБИЯ 
ТАЪЛИМИ ТЕХНОЛОГИЯСИ 
Фармонов Ў.А.,
 ўқитувчи, Бухоро давлат университети, Бухоро ш.
 
Табақалаштириш деганда
-
биз ўқувчиларнинг улар таълим олиш учун бирон­бир хусусиятлари 
асосида гуруҳларга ажратилган ҳолда индивидуал хусусиятларини ҳисобга олишни тушунамиз. 
Табақалаштириш бу-ўқув жараёнини ташкил этишнинг шундай шаклики, унда ўқитувчи 
ўқувчилар билан уларда мавжуд бўлган ва ўқув жараёни учун муҳим аҳамият касб этган сифатларига 
кўра белгиланган таълим мазмуни асосида ишлайди,
Табақалаштирилган таълимнинг муваффақияти кўп жиҳатдан унинг индивидуаллаштирилган 
таълим билан қай даражада алоқадорлигига боғлиқ. Бунда ўқув жараёнига босқичма-босқич режалар ва 
ўқув дастурлари татбиқ этилади. Иқтидорли ўқувчилар учун эса алоҳида индивидуал ўқув 
машғулотлари йўлга қўйилади. 

---

“ХОТИН-ҚИЗЛАР СПОРТИ: ИМКОНИЯТЛАР ВА ИСТИҚБОЛЛАР” 
275 
Бундай ўқув машғулотларининг мавзулари ўқув дастурларида акс этган бўлиши лозим. 
Иқтидорли ўқувлар барча синфдошларининг лаёқатлари ўсиши қобилиятлари ривожланишига ижобий 
таъсир кўрсатишлари мумкин.
Таълим жараёнини табақалаштириш мунтазам ривожланиб ва такомиллашиб борадиган жараён 
ҳисобланади. Ушбу жараён давомида таълимни табақалаштириш эффективлигини оширишга таъсир 
этадиган факторлар ва шароитлар аниқланади. Умумтаълим мактабларида жисмоний тарбия фани 
бўйича таълим­тарбия жараёнига табақалаштириш ёндашув масалаларини ўрганиш тадқиқот 
қилинаётган муаммонинг янги ечим йўлларини аниқлаш имконини беради. 
Таълимда табақали ёндашиш ҳар бир гуруҳдаги ўқувчилар билан ишлашда жуда катта аҳамиятга 
эга. Бир омилни амалга оширишда бир хил ёшдаги мактаб ўқувчиларини гуруҳларга ажратиш талаб 
қилинади.
Табақали ёндашиш усулиятини амалга ошириш жисмоний сифатларни тарбиялашга 
ёрдамлашади, ўқув жараёни самарадорлигини оширишга замин яратади ва жисмоний тарбия 
машғулотларига ўқувчиларнинг қизиқишини оширади, ҳамда ўқувчиларнинг жисмоний ҳолатини 
яхшиланишига хизмат қилади.
Психологик педагогик адабиётларда индивидуал ва табақали ёндашиш муаммоси асосан, мактаб 
ўқувчилари билан ишлашга тегишли материаллардан иборатлиги кўрсатилган. 
Табақали ёндашиш жисмоний тарбияда фақат кўникма ва малакаларни шакиллантиришдан 
ташқари, ўқувчиларни фаоллаштириш усули ҳамдир. Шу сабабли у ўз вазифасини бажариши, яъни 
ўқувчилар соғлиғини мустаҳкамлаши, жисмоний тайёргарлик даражасини оширувчи ҳаракат омили 
бўлиб қолиши учун мунтазам равишда қўлланилиши, етарли, мукаммал ва ихчам бўлиши керак.
Жисмоний машқларни бажараётган ўқувчилар организмининг ўсиши ва ривожланишига, 
уларнинг индивидуал жисмоний ривожланиш суръати ва йўналишига тўғри танлангандагина 
рағбатлантирилади. Бундай болалар бошқаларга нисбатан машқларни танлаш, уларни меъёрлашда шу 
сабабли ўқувчиларга кўпроқ эътибор беришни талаб қилишади. 
Шундай қилиб, таълим технологияси-бу таълимни амалга оширишнинг усулидир.