Avtomobil elektr jihozlarini ishlatish, diagnostika qilish va

6.4. Elektrostarterlarni ta’mirlash
Starter tarkibiga kiruvchi asosiy mexanizmlar o‘zgarmas tok
elektrodvigateli,    rolikli    erkin  yurish  muftasi,  tortish  relesi  va
zamonaviy starterlarda reduktorlardir (planetar, silindrsimon tashqi
va ichki ilashuvli).
Har xil turdagi starterlarning  qiyosiy tahlili, ko‘pchiligining
konstruktiv parametrlari deyarli bir xil ekanligini ko‘rsatadi. Bu
esa ularni  ishlab chiqish va ta’mirlashda  guruhlashgan texnologik
jarayonlarni qo‘llash imkoniyatini beradi.
6.4-rasmda  planetar  reduktorli  va  elektromagnit  uyg‘otish
tizimiga ega bo‘lgan  starterning konstruktiv  sxemasi keltirilgan.
6.4-rasm. Planetar reduktorli va elektromagnitli  uyg‘otish tizimiga ega bo‘lgan
starterning konstruktiv sxemasi: 1 — orqa qopqoq;  2 — kollektor;  3 — cho‘tka-
tutqich; 4 — uyg‘otish chulg‘ami mahkamlangan korpus; 5 — elektromagnit
tortish  relesi;  6  —  starter  yuritmasining  pishangi;  7  —  erkin  yurish  muftasi;
8 — yuritma tomonidagi qopqoq; 9 — ichki ilashuvli tishli g‘ildirak;
10 — reduktor yurgizgichi (vodilo); 11 — satellitlar; 12 — reduktorning
markaziy  (quyosh)  shesternasi.
4
3
2
1
5
6
7
8
9
10
11
12

---

132
Bunday starter quyidagi tartibda qismlarga ajratiladi. Tortish
relesi (5) ning pastki kontakt boltining gaykasi yechiladi va undan
cho‘tkalarning chiqish  klemmasi ajratiladi. Tortish relesini starter
korpusi (4) ga mahkamlovchi vint bo‘shatiladi, relening yakorini
yuritma  pishangi (6) dan ajratib, rele yechib olinadi. So‘ngra  korpus
shpilkalarini tortuvchi gaykalar bo‘shatiladi va orqa qopqoq (1)
cho‘tkatutqich tuguni (3) bilan starter korpusidan ajratib olinadi.
Uyg‘otish  chulg‘ami  yoki doimiy  magnitlar  mahkamlangan
korpus yuritma tomondagi qopqoq (8) dan, erkin yurish muftasi
(7)  ning  vali  esa  reduktorning  markaziy  shesternasi  (12)  dan
ajratiladi.  Undan keyin yakor chiqarib olinadi va reduktor qismlarga
ajratiladi  (yuritgich  (10)  va  shesternalar  11,  12).  Yuritmani
qismlarga ajratish cheklovchi halqa tagida joylashgan  to‘xtatuvchi
halqani, val tayanchi va shesternani yechishdan boshlanadi. Tortish
relesini yechib olish uchun avval qopqoqni mahkamlovchi vinlar
burab olinadi, chulg‘amning chiqish joyidagi kavshari eritib uziladi.
Qismlarga ajratilgandan keyin starterning alohida elementlari
diagnostika  qilinadi:  yakor,  uyg‘otish  chulg‘amlari  yoki  doimiy
magnitlar  mahkamlangan  korpus,  qopqoqlar,  cho‘tkatutqich
tuguni,  yuritma,  reduktor  va  tortish  relesi.
Yakor eng murakkab va qimmatbaho qism bo‘lib, starter to‘la
narxining  30%  ini  tashkil  qiladi.  6.5-rasmda  yakor  uchun  xos
6.5-rasm.  Elektrostarter  yakorida  yuzaga  kelishi  mumkin bo‘lgan
nuqsonlarning  joylashish sxemasi: 1, 4 — yuritma va kollektor tomonidagi,
ta’mir o‘lchamigacha  tiklanishini talab qiluvchi  (ta’mirlash  vtulkasi  yoki
galvanik qoplash usuli bilan) val bo‘yinchalarning  yeyilishi; 2 — erkin yurish
muftasi harakatlanadigan yakor vali yuzasining yeyilishi; 3 — ma’lum  hollarda
almashtirilishni  talab qiluvchi  kollektorning yeyilishi,  kuyishi va  oksidlanishi;
5, 12 — kollektor va yuritma tomonidagi valning ko‘ndalang yuzasining urilishi;
6, 8 — yo‘l qo‘yilishi mumkin  bo‘lgan deformatsiyaning  me’yordan ortiqligi
sababli kollektor va o‘zakning val bo‘yinchasiga nisbatan urilishi; 7 — yakor chul-
g‘amlarining kollektorga qalaylangan joylarining uzilishi;  9 — yakor chulg‘am-
larining «massa»ga qisqa tutashuvi; 10 — oraliq vtulka qo‘yimining bo‘shab
qolishi  yoki yeyilishi; 11 — yuritma  tomonidagi val bo‘yinchasining uqalanishi.