Microsoft Word Tursunboyev S. O'zbek teatri tarixi. Majmua

 
TEATR SAN’ATINING SARDORI EDI 
«Hamza» teatriga birinchi qadam bosganimdagi spektakllardan olgan taassurotlarimni 
hali-hanuz unutolmayman. Abror Hidoyatov, Sora Eshonto’rayeva, Shukur Burhonov, Olim 
Xo’jayev, Obid Jalilov, Nabi Rahimov, Hikmat Latipov, Qudrat Xo’jayev kabi iste’dodlar 

---

Og’a  qo’lida  tarbiyalanib  voyaga  yetgan  edilar.  Shundan  ham  uni  qanday  ulug’  san’atkor 
ekanligini  bilib  olish  mumkin.  Og’aning  ular  bilan  ijod  qilishlarini  ko’rganimda  ko’z 
oldimda yangi bir olam keng, zalvorli ko’rinar edi. Bularning ijodi esa san’at ummoni edi. 
Shuning  uchun  «Hamza»  teatri  o’zbek  teatr  san’atining  zabardast,  atoqli  aktyorlar 
avlodining  voyaga  yetishlarida  yetakchi  bo’ldi.  Yuragim,  butun  vujudim  bilan  sahnaga 
kirishib,  o’zimning  ajoyib  hayot  kechirganimni  sezar  edim.  Yonlarida  o’tirib,  ustozning 
maktabini jiddiy o’rganaman, deb sira o’ylamaganman.  
«Hamlet»  spektaklini  ko’rganimda  uning  so’zlari,  jumlalarining  murakkabligiga 
qaramay  —  hammasiga  tushundim.  Repetitsiya  jarayonida  Og’a:  ««Mantiqqa  e’tibor 
bering»,  «Mantiq  nima?»,  «o’sha  ushlaydigan»  so’zlarni  boshqacha  bo’rttirib  gapir»,  — 
degan so’zlarni eslab qoldim, lekin keyin qarasam, mantiqiy tahlil haqida gapirgan ekanlar, 
aktyorlar  shuni  e’tiborga  olib,  jumlaning  tub  ma’nosini  tomoshabinga  yetkazib  berganlar. 
Spektakldagi  ayrim  monolog  va  sahnalar  qayta  ishlanar  edi.  Men  shularning  guvohi 
bo’lganman.  Yana  repetitsiyada  burro,  lo’nda,  tushunarli  gapirishni  talab  etganlar. 
«Umuman,  so’z  mahorati  va  madaniyatiga  doim  e’tibor  qilar  edilar».  Yana  bir  talab  — 
so’zning  tagida  qanday  ma’no  bor?  Nima  demoqchisan?  Demak:  sahna  nutqining  uchta 
asosiy  elementlari:  aniq,  burro,  ravon  gapirish,  diksiya,  talaffuz  ustida  tinimsiz  ishlash. 
Mantiqiy  tahlil,  jumladagi  asosiy  ma’noni  va  juda  murakkab,  nihoyatda  kerakli  bo’lgan 
so’zning  tagidagi  ma’noni  ocha  bilish.  Og’a:  «Bu  oddiy  so’z  emas,  tagida  boshqa  ma’no 
bo’lishi  mumkin»,  —  deganlarini  keyin  tushundim  (
ayniqsa,  Hamlet,  Otello,  Yago 
monologlarida
),  so’zning  tagida  boshqa  ma’no  bo’lishi  mumkin,  o’ylab  ko’r-da,  tasavvur 
qil.