Microsoft Word Tursunboyev S. O'zbek teatri tarixi. Majmua

 
MANNON UYG’UR ESHIMQUL ROLIDA 
Uyg’urning ijrochilik san’atidan bahramand bo’lgan kishilar uning beqiyos so’z ustasi 
bo’lganini  bir ovozdan ta’kidlab o’tadilar. Uyg’ur  — aktyor sahnada  har bir so’zini  dona-
dona  qilib,  chertib-chertib  gapirgan.  U  hatto  tez  gapirgan  chog’ida  ham  bironta  so’z 
tomoshabin  nazaridan  chetda  qolmagan.  O’sha  davrda  sahnada  nutq,  talaffuz  borasida 
Uyg’urga teng kela oladigan aktyor yo’q edi. 
Uyg’ur  ijrosida  Eshimqul  sahnada  xushchaqchaq,  chaqqon  va  hazilkash  bo’lib 
ko’rinsa-da, aslida unga tomoshabinning rahmi keladi. Chunki u bir zum tinib-tinchimasa-
da,  har  qadamda  kamsitiladi.  Garchi  Uyg’ur  Eshimqulning  «Ovqatni  o’ldim-o’ldim 
deganda,  qulog’imga  o’lchab  non  beradi.  Demaydiki,  bu  ham  bir  musulmon  odamning 
farzandi.  Bechorani  ertadan-kechgacha  ishlatsam,  tuzukkina  ovqat  bermagim  kerak, 

---

demaydi», — degan hasratini yarim hazil qabilida aytsa ham, lekin uning so’z ohanglarida 
qanchadan-qancha alam, xo’rlik borligini tomoshabin sezib turadi. 
Uyg’ur  Eshimqulning  tashqi  xatti-harakatlarini  dinamik  rivojda  tasvirlaydi.  Spektakl 
avvalida  tashqi  yurish-turishlarga  uncha  zeb  bermaydigan  Eshimqul  tabibdan  qasos  olish 
payti  kelganda  sahnada  yugurib-yeladi,  qalbaki  dorilarni  tezkorlik  va  chaqqonlik  bilan 
qog’ozlarga o’raydi, o’z ishidan mamnun bo’lib, sakrab-sakrab sahnani aylanadi. 
Spektakl  oxirida  mijozlari Niyozalidan  o’ch olib,  uni kaltaklashar ekan,  Eshimqul  — 
Uyg’ur  voqeani  shunchaki  kuzatib  turmasdan,  chapak  chalib  o’zida  yo’q  quvonadi, 
kaltaklayotganlarga  dalda  berib,  ular  atrofida  gir  aylanib  yugurib  yuradi.  Eshimqulning 
chapagiga zaldagilar ham qo’shilib ketadilar. Eshimqulning Niyozali ustidan tantana qilib, 
o’ch  olishini  tomoshabinlar  yolg’iz  tabib  ustidan  emas,  balki  zulmat  va  jaholat  ustidan 
qilingan g’alaba deb olqishlaydilar.  
 
Erkin Ismoilov.
 «Mannon Uyg’ur». G’afur G’ulom 
nomidagi Adabiyot va san’at nashriyoti. 
1983-yil, 48—50-betlar.