Buxoro muhandislik-texnologiya instituti

         Yordamchi  materiallar.
  Oziq-ovqat  mahsulotlari  ishlab  chiqarishda  alohida 
yordamchi  materiallardan  foydalaniladi.  Ularga  parafin,  talk,  silikon  va  boshqalar 
misol bo‘ladi. 
        Parafin
.  Parafin  deb  to‘g‘ri  tuzilishga  ega  bo‘lgan  yuqori  molekulali 
uglevodorodlar    aralashmasidan  iborat  neftning  qayta  ishlash  mahsulotiga  aytiladi.  
Parafin neftning parafinsimon turlarining yog‘li distilyatlaridan kristallash yo‘li bilan 
olinadi.  Parafinning  umumiy  formulasi  S4nN2n+2  ko‘rinishida  bo‘lib,  «n»  ning 
qiymati 19 dan 35 gachani  tashkil etadi,  uning  molekulyar massasi 300-500 ga teng.        
Tozalangan  parafin    -    hidsiz,    ta‘msiz,    yog‘simon,    suv    va  spirtda  erimaydigan, 
organik  erituvchilarda  oson  eriydigan  mahsulotdir.  Erish  harorati  50-54  °C  ga  teng. 
Parafin  kimyoviy  jihatdan  turg‘un  modda  hisoblanadi.  Qandolatchilik  sanoatida 
parafin  draje  va    karamel    «jilosining»  asosiy  tarkibiy  qismi  sifatida  ishlatiladi.  
Bundan  tashqari  parafin  yana  qandolat  massalarini  turli  yuzalarga    yopishib  
qolishining oldini  olish,  shuning  bilan  birga qandolat mahsulotlarini o‘rashda va 
tag‘malashda ishlatiladigan qog‘ozni parafinlash  uchun  ham  ishlatiladi. Oziq-ovqat 
sanoatida  yuqori  darajada  tozalangan,    hidsiz,  oq  kristallsimon  ko‘rinishdagi 
parafindan  foydalanish  mumkin.  Tarkibida  yog‘  miqdori  0,5%    dan  oshmasligi,  
mexanik aralashmalar va  suv bo‘lmasligi  kerak.   
        Oziqaviy  parafinga  qo‘yiladigan  asosiy  talablardan  biri  -  tarkibida  kanserogen 
ta‘sirga ega bo‘lgan  oltingugurt, fenol va 3-4-benzopirenning bo‘lmasligi kerak. 
        Mum
. Bu o‘simlik va hayvonlardan olinadigan yog‘simon ko‘rinishdagi modda.  
Mum    yog‘    kislotalari  va  yuqori  molekulali  bir  atomli  (kam  hollarda  ikki  atomli) 
spirtlardan    tashkil    topgan    murakkab  efirdir.  U  amorf,  plastik,  qizdirilganda 
yumshaydigan  modda  bo‘lib,  40-90  °C  haroratda  eriydi.    Fizikaviy  va  kimyoviy 
xossalari  bilan  yog‘larga  o‘xshaydi;  reaksiyaga  kirish  qobiliyati  kichik,  turli 
reagentlarning ta‘siriga chidamli. 

---

38 
 
Qandolatchilik  sanoatida    asosan  parafin  kabi  ishlatish  maqsadida  asalari  mumidan 
foydalaniladi.  Asalari  mumi  -  siniqli  oq  yoki  ko‘pincha  sariq  rangdagi  qattiq  jism. 
O‘ziga   xos kuchsiz «asal» hidiga  ega.   Olinish  texnologik usuliga  ko‘ra ikki turga 
bo‘linadi:  asalari  qutilari  qo‘yilgan  joylarda  eritish    yo‘li    bilan  va  sanoatda 
asalarichilik  chiqindilarini  eritish  yo‘li  bilan  olinadigan  asalari  mumlari.  
Asalarichilik  xo‘jaliklarida  tayyorlangan  mumning  namligi  0,5%  dan,  ishlab 
chiqarishda  olingan  mumning  namligi  esa  1,5%  dan  oshmasligi  kerak.    Asalari 
mumidan  boshqa    yana