Gidromeliorativ

Suv ostidan surish bilan gruntni qazish (refuler usuli)
Suv ostidan gruntni surish uchun shunday sharoit yaratish talab 
qilinadiki, bunda grunt zarralarining yuvilishi jadallashishi va ularning 
muallaq holatga o‘tishi yuz berishi lozim. Buning uchun zarur bo‘lgan 
tezliklar (1,5–2,0 m/s) suruvchi quvurga suv kirish joyiga yaqin joyda 
paydo bo‘ladi.
Surgich  grunt  yuzasiga  yaqinlashganda  unda  yuvilish  chu-
qurchasi (voronka) hosil bo‘ladi. Suv ostidan surish jadalligi gruntning 
granulometrik tarkibi, bog‘lanishi, gruntning yuvilishga qarshiligi, 
suruvchi quvurga kirishda oqim parametrlari, zaboy balandligiga 
bog‘liqdir.
Yuvilish qiyin bo‘lgan gruntlarni oldindan suruvchi quvurga 
kirish yonida joylashtiriladigan turli mexanik va gidravlik moslamalar 
bilan yumshatish zarur.
Pulpani surish va qo‘shimcha olib tashlash uchun asosiy uskuna 
bo‘lib, maxsus markazdan qochuvchi nasoslar xizmat qiladi.
Yer ishlarini bajarish uchun nasoslar yoki pontonlarga (suruvchi 
zemsnaryadlar) yoki harakatlanuvchi yer suruvchi moslamalarga 
(g‘ildiraklar, gusenitsalar) o‘rnatiladi.
Suruvchi zemsnaryad yordamida gruntga yer osti zaboylarida: 
gidromelioratsiya inshootlari osti kotlovanlarda, tog‘oldi va o‘zan- 
dagi konlarda, kanallarda yirik kanallarni, tindirgichlarni, suv hajm- 
larini chiqindilardan tozalashda, daryo o‘zanlarini rostlashda ishlov 
beriladi.
Qazilayotgan qazilma va zaboylarning o‘lchamlari zemsnaryad 
korpusi va suruvchi moslama gabaritlariga bog‘liqdir.