Асосий касалликнинг баёии

 
10-МАШҒУЛОТ
1. Машғулот мавзуси.
Терининг замбуруғли касалликлари (Дерматомикозлар). 
2. Мавзунинг қисқача мазмуни. 
Терининг замбуруғли касалликлари.
Патоген замбуруғлар томонидан пайдо 
бўладиган тери касалликлари дерматомикозлар деб аталади. Дерматомикозларнинг 
шаклланиши замбуруғларнинг касаллик қўзғатиш даражасига ва макроорганизмнинг 
иммунобиологик хусусиятларига боғлиқ, яъни терининг замбуруғлардан зарарланиши 
одамнинг ѐшига, жинсига ва эндокрин безларнинг ҳолатига боғлиқ. Бунда эпидермис ва дерма 
қаватининг сўрилиш хусусиятининг кучайиши, кўп терлаш, терининг ўзига хос кимѐвий 
таркиби муҳим роль ўйнайди. Айниқса мактаб ѐшигача бўлган болаларда соч ва эпидермис 
ҳужайралари таркибида кератиннинг етишмаслиги, тери сув-ѐғ ҳимоя қавати рН ининг кам 
ишқорли ѐки мўътадил даврга ўтиши замбуруғларнинг активлашишига ва вирулентлик 
даражасининг кучайишига олиб келади. Шу сабабли сурункали ва юқумли касалликлар 
натижасида заифлашган гўдакларда дерматомикозлар тез ривожланади. 
Тери замбуруғли касалликларининг ягона классификацияси (таснифи) йўқдир. Ҳозирги 
даврда Марказий дерматология ва венерология илмий-тадқиқот институти ходимлари 
томонидан таклиф қилинган классификация кенг қўлланилмоқда. Бунга биноан 
дерматомикозлар 4 гуруҳга бўлинади: 
1.
Кератомикозлар - бу турдаги замбуруғлар асосан эпидермиснинг мугуз қаватини 
зарарлайди. Мазкур гуруҳга кепаксимон темиратки ва тугунли трихоспория киради. 
2.
Дерматофитиялар - буларга эпидермофития, рубромикоз, трихофития, микроспория 
ва кал (фавус) киради. Одам терисини зарарлайдиган патоген замбуруғлар Дерматофитлар 
деб аталади. Бу гуруҳга кирадиган замбуруғлар тери пўстини, асл терини ва тери 
ортиқларини (соч ва тирноқларни) зарарлайди. 
3.
Кандидозлар - ачитқи замбуруғлар (candida albicans) қўзғатадиган касалликлар. Улар 
тери ва шиллиқ қаватларни, шунингдек ички аъзоларни зарарлайди. Бу гуруҳга юзаки 
кандидоз, сурункали тарқалган кандидоз, ички аъзоларнинг системали кандидози киради. 
4.
Чуқур микозлар - булар тери ва шиллиқ қаватлардан ташқари ички аъзоларда чуқур 
йирингли ва некротик ўзгаришлар пайдо қилади. Бунга бластомикоз, гистоплазмоз, 
хромомикоз, актиномикоз, кокцидиоз киради.