Асосий касалликнинг баёии

Яширин захм
(syphilis latens). Захм касаллиги белгисиз (симптомсиз) кечиши мумкин. 
Бунда захм касаллигининг белгилари тери ва шиллиқ қаватларда, шунингдек, ички аъзолар 
ва асаб системасида кўринмайди. Яширин захм фақат серологик реакциялар ѐрдамида 
аниқланади. Серологик реакциялар рангпар спирохеталарга нисбатан мусбат натижалар 
берган, аммо тери ва бошқа аъзоларда захм белгилари бўлмаган беморларга яширин захм деб 
диагноз қўйилади. 
Кейинги йилларда Соғлиқни сақлаш вазирлигининг буйруғига биноан профилактик 
тиббий кўрикдан ўтаѐтган барча кишилар, аѐллар маслаҳатхонасида кўрикдан ўтаѐтган 
ҳомиладор аѐллар ва шифохоналарда даволанаѐтган беморларнинг қони захмга 
текшириляпти. Натижада серологик реакциялар рангпар спирохеталарга нисбатан мусбат 
натижалар бераѐтган шахслар топиляпти. Шу сабабли яширин захм беморларининг сони 
ошиб бораяпти. Яширин захмнинг кўпайишига яна қуйидагилар ҳам сабаб бўлаяпти: 
1) жойларда қўйиладиган серологик реакциялар сифатининг яхшиланиши: 
2) антибиотиклар ва спирохеталарни ўлдирадиган бошқа дориларнинг кенг кўламда 
қўлланилиши; 
3) захм тўғрисида етарли маълумоти бўлмаган беморлар орасида ўз-ўзини даволашга 
уринишнинг авж олиши (касалликни яшириш мақсадида); 
4) номутасадди тиббиѐт ходимлари томонидан захмни сифатсиз даволаш ва шунга ўхшаш захм 
жараѐнининг яширин кечишига олиб келувчи бошқа омиллар. 
Яширин захмнинг белгисиз ўтиш муддати бир неча ойдан бир неча йилгача чўзилади. 
Шунингдек захм белгилари дастлаб юзага чиқиб, маълум муддатдан сўнг йўқолиши мумкин. 
Шу туфайли бирламчи ва иккиламчи яширин захм фарқланади. Бирламчи яширин захм 
деганда рангпар трепонемалар тушгандан сўнг захмнинг хеч кандай белгилари кўринмасдан, 
фақатгина серологик реакцияларнинг мусбат натижалари асосида диагноз қўйилган яширин 
захмни тушуниш лозим. Захм белгиларидан баъзилари дастлаб юзага чиқиб, маълум муддат 
ичида йўқолиб кетгандан сўнг аниқланган яширин захм иккиламчи яширин захм деб аталади. 
Касалликларнинг Халқаро классификациясига (таснифи)га биноан, яширин захм эрта ва кеч 
яширин захмга бўлинади. Шунингдек, аниқланмаган яширин захм фарқланади.