Асосий касалликнинг баёии

5. Терининг совуққа сезувчанлигини аниқлаш усули. 
Асосан эшакем касаллиги 
диагностикасида қўлланилади. Эшакемнинг совуқдан келиб чиқадиган турида бу 
синов мусбат натижа беради. Сон, елка ѐки думба соҳасига муз парчаси қўйилганда 
соғлом болалар терисининг муз қўйилган жойи оқаради, атрофи қизариб эритема 
шаклланади. Орадан 15-30 сек ўтар-ўтмас эритема ўз-ўзидан йўқолади. Совуқдан 
ривожланган эшакемга дучор бўлган беморлар терисида эса муз қўйилган жойда 
қаварчиқ ҳосил бўлади, атрофида сохта-қаварчиқ (псевдоподия) кузатилади. 
6. Аллергик синов усуллари. 
Турли-туман моддаларни тери орасига юбориш, чаплаш, 
томизиш ва томизиб тилиш тахмин қилинган касалликлар ташхисини аниқлашда 
қўлланилади. Чунончи: 
а) мохов касаллигида лепромин билан синов ўтказилади. Бу усул моховни бошқа 
ўхшаш касалликлардан фарқлаш билан бир қаторда касаллик турини аниқлашда ҳам 
қўлланилади. Моховнинг туберкулоид турида лепромин синови мусбат натижа 
беради. Лепромин лепромани қайнатиб тайѐрланган сувли экстрактдир, y 0,1 мл 
миқдорда тери орасига юборилади. Кўпинча 24-48-72 соатдан сўнг лепромин 
юборилган соҳа кизариб, тугунча ҳосил бўлади (эрта реакция) ѐки 10-14 кундан сўнг 
лепромин юборилган жойда катталиги 1 ѐки 2 тийинлик чақадек келадиган тугун 
ҳосил бўлади (кеч реакция). 

---

б) 
тери силида туберкулин билан синов (Пирке, Манту реакциялари)нинг 
диагностик 
аҳамияти 
катта. 
Ту- 
беркулин синови терига томизиб тилиш ѐки тери орасига юбориш йўллари билан 
амалга оширилади. Туберкулин синовининг турлари, ўтказиш усуллари махсус 
адабиѐтларда кенг ѐритилган. 
в) 
Дюринг дерматитида калий йодиднинг 50% ли малҳами билан ўтказиладиган 
синов 
(Ядассон 
бўйича). 
Бу пўрсилдоқ ва бошқа пуфакли дерматитлардан фарқлашда муҳим диагностик роль 
ўйнанди. Бунда малҳам чапланиши лозим бўлган тери соҳаси (кўпинча билакнинг 
ички юзаси) спирт-эфир эритмалари билан тозаланади. Сўнгра малҳамнинг озгина 
миқдори 
чапланиб, 
бир 
неча 
қаватдан 
иборат 
мармар 
парчаси (катталиги 2x2 см) билан қопланади. Устидан мумланган қоғоз ѐпилади ва 
бинт ѐрдамида боғланади, баъзи муаллифлар дока парчаси устидан компресс 
клеѐнкани ѐпиб, ѐпишқоқ пластир билан мустаҳкамлашни таклиф этадилар. Бу 
мақсадга мувофиқ эмас, чунки клеѐнка ва ѐпишқоқ пластир тери сезувчанлигини 
ошириши ва дерматит ривожланишига сабаб бўлиши мумкин. Бу ҳам синов 
натижасига салбий таъсир этиб, диагностик хатога йўл қўйилишига олиб келади. 
Синов жавоби 24-48-72 соат мобайнида ривожланган эритемага (мусбат жавоб) қараб 
ўқилади. 
Ҳозир терининг аллергик касалликлари диагностикасида турли-туман аллергенлар 
билан ўтказиладиган синов усуллари деярли қўлланилмаяпти. Аллергенлар билан 
ўтказиладиган синов теридаги яллиғланиш жараѐнининг чуқурлашишига, тери 
сезувчанлигининг ошишига, организмда сенсибилизациянинг кучайишига ва ниҳоят 
бемор аҳволининг оғирлагашишига олиб келмоқда. Шу сабабли аллергик 
дерматозлар диагностикасининг билвосита усуллари (Кумбс реакцияси, лизоцимлар 
активлигини ва комплементлар миқдорини аниқлаш, Т ва В лимфоцитлар сонини 
санаш ва ҳоказо) кенг қўлланилмоқда.