Умуртқалилар зоологияси фанининг предмети, ўрганаѐтган объекти ва вазифалари

13. Балиқчисимонлар туркуми - Lariformes 
Гавдаси, қаноти узун, сувда яшовчи қушлар бўлиб, олдинги 
бармоқлари сузгич пардали. Яхши учади ва сузади. Балиқчиларнинг типик 
вакиллари: дарѐ балиқчиси (Larus ridibundus), кумуш балиқчи (Larus 
argentatus)дир.

---

Бу туркумга чигитчилар ѐки денгиз қалдирғочлари (Sternidae) оиласи 
ҳам киради. Дарѐ чигитчиси (Sterna hirundf) оиланинг типик вакилидир. 
14. Чистиксимонлар туркуми – Alciformes 
Океан ва денгизларда яшайди, яхши сузади ва шўнғийди. Оѐқларида 
учта бармоғи бор. бу қушларни ҳаммаси (20 та тури бор) чистиклар (Alcudae) 
оиласига киради. Булар қояларда уя қилади ва катта колония бўлиб, қушлар 
бозорини ҳосил қилади. 
Кайра (Uria), тупик (Fratercula), тапорик (Lunda)лар ҳам оиланинг 
типик вакиллари ҳисобланади. Бу қушлар балиқлар ва турли умуртқасизлар 
билан овқатланади. Баъзи жойларда чистикларнинг тухуми йиғиб олинади. 
15. Каптарсимонлар туркуми – Сolumbiformes 
Каптарсимонларга 290 тур қушлар киради ва ўртача катталикда бўлади. Тумшуғи калта 
ва устида восковицаси бор. Дум усти бези яхши ривожланмаган. Жиғилдони яхши 
тараққий этган ва жўжаларини боқиш даврида «қуш сути» деган суюқлик ишлаб 
чиқаради. Ер юзининг қутб мамлакатларидан ташқари ҳамма жойида тарқалган. Асосан 
ўрмон ва тоғларда яшайди. Ерда ҳар хил ўсимликларни асосан дони билан овқатланади. 
МДҲда каптарсимонларнинг 12 та тури яшайди. Типик вакиллари: 
кўк каптар (Columba livia), гов каптар (Сolumba palumbus), клинтух (Сolumba 
oenas), ҳалқали мусича (Streptopelia decaocta) кичик мусича (Streptopelia 
senegalensus) ва бошқалар. 
16. Булдуруқсимонлар туркуми – Pterocletiformes 
Ташқи кўриниши билан каптарларга ўхшаш, ўртача катталикдаги қушлар бўлиб, 
Африка ва Осиѐнинг чўл ва даштларида тарқалган. Уясини фақат ерга қуради, 16 та 
турни ўз ичига олади, массаси 300-500 г. тумшуғи кичик, қаноти узун ва ўткир, оѐқлари 
калта. Тўда бўлиб уя қилади ва ҳар куни маълум вақтда сув ичишга боради. 
Жўжаларига жиғилдонини тўлдириб сув олиб келади. Ўсимликлар (майса ва дони) 
билан овқатланади. 
Дашт ва чўл жойларда қора бовур (Pterocles alchata), оқ бовур 
(Pterocles orientalis) ва ўзига хос тузилган сув булдуруқ (Syrhaptes paradoxus) 
яшайди. Сув булдуруғининг бармоқлари пат билан қопланган ва сербар 
бўлиб, бир-бирига қисман қўшилиб кетган ва товонга ўхшайди. 
Булдуруқсимонлар спорт ови объекти ҳисобланади.