Илмий тадқиқот асослари: 1000 саволга 1000 жавоб тошкент–2019

 
434 - САВОЛ: 
ИЖОДИЙ МУНОСАБАТЛАРНИ ШАКЛ-
ЛАНТИРИШГА ЁРДАМ БЕРУВЧИ ОМИЛ-
ЛАР ҚАЙСИЛАР? 
ЖАВОБ: Ижодий муносабатларни шакллантиришга ёрдам 
берувчи омиллар қуйидагилардан иборат: 

қизиқиш; 

фаолият; 

скептицизм; 

далиллик; 

хабардорлик; 

стратегиялар; 

мойиллик. 
КЎРСАТМА: Илмий ижодда жараённинг ифодаланиши ва 
ундаги асосий ўтиш ҳолатларини (бир босқичдан иккинчисига ўтиш 
ҳолатларини) назарда тутган ҳолда, жараёнга таъсир этувчиларни 
аниқлаш ҳамда улар ичида асосий ва иккинчи даражалиларни 
аниқлаш керак. У ўрганилаётган жараённинг ташкилий-тузилмавий 
моделини яратишда ўта муҳимдир, чунки “Тизимли ёндашув” 
тадқиқот усулини фақат шу асосида амалиётга жорий этиш мумкин. 
 
435 - САВОЛ: 
ИЖОДИЙ ТАФАККУР ДЕГАНДА НИ-
МАНИ ТУШУНАСИЗ? 
ЖАВОБ: Ижодий тафаккур – бу ички ақлий бир-бирига боғлиқ 
бўлган омиллар асосидаги янги тафаккурга эга бўлишнинг мантиқий 
кетма-кетлиги маҳсулидир. 
Ижодий тафаккур – бу маънавий ва интеллектуал камолотга 
эришишда муҳим асослардан бири бўлиб, унинг ёрдамида шахс 
фаоллиги, ақл қувватини ишга сола билиш, борлиққа ўзгартириш 
кирита билишдек қобилиятларни шакллантириш каби ижодий 
жараённи амалга ошириш мумкин бўлади. 
Ижодий тафаккур янги ижодий даражага эришишни, янги 
тафаккурга эга бўлишни ва ижодий фаолиятнинг фаол, фидоий 
иштирокчиси бўлишни таъминлай олади. 
КЎРСАТМА: 
Илмий 
ижодиётда 
олинган 
натижангиз 
умумбашарий бўлишига эътибор қилинг ва бу орқали Сизнинг 

---

306 
номингиз тарихда қолади ҳамда қилган ишларингиз натижалари 
таълим олувчилардаги ижодий тафаккурни шакллантиришга 
дидактик асос бўлади.