Илмий тадқиқот асослари: 1000 саволга 1000 жавоб тошкент–2019

 
327 - САВОЛ: 
МУАММОНИНГ ҚЎЙИЛИШИ ДЕГАН-
ДА НИМАНИ ТУШУНАСИЗ? 
ЖАВОБ: Муаммонинг қўйилиши. Илмий тадқиқот иши 
давомида муаммони тўғри қўйиш ва унга мос тадқиқот мақсадини 
аниқлаш муҳим босқич ҳисобланади. Муаммо қўйилишида 
мавжуд билимлар асосида тубдан янгича ёндашувни қила олишлик, 
яъни янги қонуниятни очиш имкони билан боғлиқ ишчи фаразни 
тўғри ифодалай олиш муҳим аҳамият касб этади. Одатда, бу янги 
билим амалда жамиятга зарур эканлиги фарз қилинади. 
КЎРСАТМА: Муаммонинг қўйилишида қуйидаги босқичларга 
эътибор бериш керак: 

муаммони излаш; 

хусусий муаммоларни қўйиш (муаммо ечимига эришиш учун 
мақсадлар кетма-кетлигини ифодалаш); 

муаммонинг ечими. 

---

239 
 
328 - САВОЛ: 
МУАММОНИ ИЗЛАШ – БУ ҚАНДАЙ 
АМАЛГА ОШИРИЛАДИ? 
ЖАВОБ: Муаммони излаш. Маълумки, илм-фан соҳалари ҳамда 
тармоқлари кўп ва табиийки, уларга мос муаммолар ҳам етарли. 
Кўпинча илмий, илмий-методологик, технологик ва техникавий му-
аммолар илмий ходимлар ва мутахассисларга яққол сезилиб туради. 
Шу сабабли ҳам, уларни излашга катта меҳнат сарф қилинмайди. 
КЎРСАТМА: Муаммоларни излаш ва танлаб олишда 
қуйидагиларга эътибор бериш керак: 

қўйилган муаммони ечмасдан белгиланган йўналишда 
методни, методологияни, технологияни ва техникани янада 
ривожлантириш ва такомиллаштириш мумкинми? – деган саволга 
жавоб тайёрлаш; 

режалаштирилган тадқиқот илм-фанга ва таълим-тарбияни 
режалаштиришга аниқ қилиб нима беришини аниқлаш; 

режалаштирилган тадқиқот натижалари асосида олинадиган 
янги қонуният нимаси билан усул, восита ва илм ҳамда техника-
технологиялардан мавжудларидан янги ва кўпроқ амалий баҳога 
эгалигини аниқлаш.