Илмий тадқиқот асослари: 1000 саволга 1000 жавоб тошкент–2019

 
333 - САВОЛ: 
НАЗОРАТЛИЛИК ДЕГАНДА НИМАНИ 
ТУШУНАСИЗ? 
ЖАВОБ: Назоратлилик. Бунда башқариш жараёнида тескари 
алоқа воситаларидан фойдаланилади. Чунки, тескари алоқа орқали 
тадқиқотни олиб боришдаги режалаштирилган мақсадлар кетма-
кетлигига эришишни назорат қилиш ва тадқиқотни режа асосида 
олиб бориш кафолатланади. 
КЎРСАТМА: Алоқалар ичида икки томонлама алоқа ўзининг 
ижобий натижаларини беради. Бошқарувчи билан ишловчи таълим 

---

242 
олувчи ва унинг билимини мунтазам равишда баҳолаб боришда 
ўзаро ҳамкорлик асосида ижобий натижаларга эришиш мумкин ва бу 
ҳар қандай таълим олувчи ҳамда таълим берувчининг асосий мақсади 
бўлиши керак.
 
334 - САВОЛ: 
НАТИЖАВИЙ КЎРСАТГИЧЛАРНИ 
ТЎПЛАШГА ҚАНДАЙ ТАЛАБЛАР 
ҚЎЙИЛАДИ? 
ЖАВОБ: Натижавий кўрсатгичларни тўплашда қуйидаги 
талабларни эътиборга олиш зарур: 

натижавий кўрсатгичлар табиати (аниқланиш ва ўзгариш 
соҳалари) тадқиқот мақсадига мувофиқ келиш керак; 

натижавий кўрсаткичларни илм-фан, таълим-тарбия, 
техника, технология ва шу кабиларни ривожлантиришга, 
такомиллаштиришга аҳамиятли бўлиши керак; 

натижавий кўрсаткичларнинг илмийлиги аниқ кўрсатилган 
бўлиши керак; 

натижавий кўрсаткичларнинг татбиқидан келиб чиқадиган 
самарадорлигини қўлга киритиш технологияси (тасдиқлаш) аниқ 
кўрсатилган бўлиши керак. 
КЎРСАТМА: Кўрсаткичнинг илмий тадқиқот ишининг 
ташкилий-тузилмавий моделини тўлиқ акс эттиришга яққол 
бўлиши керак. 
 
335 - САВОЛ: 
ОБЪЕКТ НИМАЛАРДАН ИБОРАТ БЎ-
ЛИШИ МУМКИН? 
ЖАВОБ: Объект – юнонча сўз бўлиб, унинг қўлланилишига 
қараб турлича ифодаланади. Улардан биринчиси онгимиздан 
ташқарида мавжуд ва бизнинг онгимизга боғлиқ бўлмаган ҳолдаги 
ташқи олам бўлиб, билишнинг, шунингдек, субъектнинг амалий 
тасвир предмети ҳисобланади ва иккинчиси қайсидир фаолият 
бўйича ўзлаштирилиши лозим бўлган манба.
Объект – тадқиқот этилиши лозим бўлган нарса (предмет) ва 
ҳодиса жараёнлардан иборат бўлиб, улар ўзига ўхшаш нарса ва 
ҳодисалардан алоҳидалиги билан фарқ қилади. 

---

243 
КЎРСАТМА: Илмий тадқиқот ишини олиб боришда тадқиқот 
объекти тўғрисида дастлабки маълумотлар йиғилади ва улар тад-
қиқотнинг ташкилий-тузилмавий модели асосида тизимларга 
ажратилади.