Илмий тадқиқот асослари: 1000 саволга 1000 жавоб тошкент–2019

 
299 - САВОЛ: 
ИЛМИЙ ТАДҚИҚОТ ИШИНИ БОШ-
ҚАРИШНИНГ ЎН УЧИНЧИ БОСҚИЧИ 
ҚАНДАЙ ВАЗИФАНИ БАЖАРАДИ? 
ЖАВОБ: Ўн учинчи босқич вазифаси бевосита ўн иккинчи 
босқич давоми бўлиб, унда асосан педагогик самарадорликни 
аниқлаш мезон билан тадқиқотнинг қандай даражада танишлиги, 
уларнинг мазмун-моҳияти ҳамда қандай ҳодиса ва жараёнлар 
кечишини баҳолашда қайси педагогик самарадорлик мезони 
самарали эканлигини баҳолай билиши муҳим аҳамият касб этади. 
Педагогик тадқиқотлар хусусий ўқитиш методикасига 
тегишли бўлганда, асосан натижаларни миқдорий таққослаш 
мезонлари ва уларнинг геометрик интерпрециясидан фойдаланиш 
мақсадга мувофиқ бўлади. Бунда асосан яратилган таълим 
технологияси бўйича сифат кўрсаткичлари назорат гуруҳидаги 
сифат кўрсаткичлари билан таққосланади, уларга миқдорий 
тавсияномалар берилади ва шулар асосида услубий тавсиялар, 
кўрсатмалар ишлаб чиқилади. 
КЎРСАТМА: Агарда педагогик тадқиқотлар педагогика 
назарияси ва тарихига оид бўлса, унда кириш-чиқиш анкета 
саволларидаги жавоблар натижалари таҳлили орқали педагогик 
самарадорлик аниқланганлиги маъқул. Бунда кириш анкета 
саволлари муайян йўналиш ва тадқиқот мақсади ҳамда вазифаларини 
эътиборга олган ҳолда тузилиши керак. Чиқиш анкета 
саволлардагисидан янада ривожлантирилиб, уларга тўлиқ жавоб бера 
оладиган шахсни тарбиялашни ҳал қилинади 
 
300 - САВОЛ: 
ИЛМИЙ ТАДҚИҚОТ ИШИНИ БОШ-
ҚАРИШНИНГ ЎН ТЎРТИНЧИ БОСҚИЧИ 
ҚАНДАЙ ВАЗИФАНИ БАЖАРАДИ? 
ЖАВОБ: Ўн тўртинчи босқичда аниқланган педагогик 
самарадорлик мезони бўйича тажриба-синов иши натижаларини 
баҳолаш жараёни қараб чиқилади. Бунда, албатта илмий-
назарий ишланмалар ва улар орқали ҳосил бўлган таълим 
технологиясини амалиётда қўллаш натижасида ҳосил бўлган 
ахборотларнинг аниқлик даражаси муҳим роль ўйнайди, чунки 

---

224 
самарадорликни ҳисоблашлардаги фоизни белгилаш муаммоси 
ҳамда уларни кўргазмали тасвирлашларда аниқлаш муҳим 
аҳамият касб этади. 
КЎРСАТМА: Педагогик тадқиқотларда педагогик самара-
дорликни аниқлаш ва баҳолашда ишлаб чиқилган таълим 
технологиясини амалиётга қўллашдаги тажриба-синов ишлари 
натижалари бўйича муаммога қўйилган мақсадга эришганликка 
аввало ташхис қўйилади. Кейин тадқиқот натижасининг мос 
соҳасини такомиллаштириш ва ривожлантириш башорат 
қилинади. 
Бу ташхис ва башорат орқали илмий тадқиқот ишига хулоса 
чиқарилиб, умумлаштирилиб, унда мақсадга эришганлик, 
тадқиқотнинг назарий ва амалий аҳамияти расмийлаштирилиб, 
яратилган ишланмаларни амалиётда қўллашга йўриқнома, 
кўрсатмалар тайёрланади.