Илмий тадқиқот асослари: 1000 саволга 1000 жавоб тошкент–2019

 
301 - САВОЛ: 
ИЛМИЙ ТАДҚИҚОТ ИШИНИ БОШҚА-
РИШНИНГ ЎН БЕШИНЧИ БОСҚИЧИ 
ҚАНДАЙ ВАЗИФАНИ БАЖАРАДИ? 
ЖАВОБ: Ўн бешинчи босқичда тадқиқот натижаларини 
сарҳисоб қилиб, уни амалий ҳаётга қўллашга тегишли бўлган барча 
ҳужжатлар: йўриқномалар, кўрсатмалар ва тавсияномалар тайёр-
ланади. Тадқиқотнинг амалий аҳамияти баҳоси расмийлаштирилади 
ва лозим топилганда улардан оммавий фойдаланиш учун рисолалар 
тайёрланади. 
КЎРСАТМА: Бу тайёрланган алгоритмик тизимни жорий 
қилишда ўз навбатида тадқиқотчидан дастлабки маълумотларни 
йиғиш, қайта ишлашдан тортиб таълим модуллари ёки моделларини 
тузишда илмий тадқиқот ишларини юқори савияда олиб боришни 
талаб этади. Бу орқали ишлаб чиқилган таълим технологияларининг 
ҳаётийлиги ошади ва педагогик самарадорликни таъминлаш 
кафолатланади. 

---

225 
 
302 - САВОЛ: 
ИЛМИЙ ТАДҚИҚОТ ИШИНИ РЕЖА-
ЛАШТИРИШДА ИЛМИЙ РАҲБАР ҚАН-
ДАЙ АХБОРОТЛАРНИ ОЛИБ ТУРИШИ 
КЕРАК? 
ЖАВОБ: Илмий тадқиқот ишларини режалаштириш орқали 
ижодий фаолиятни бошқариш имконияти туғилади, ундаги 
режадан четга чиқишларни ҳам ростлаб туриш имконияти 
туғилади. 
Бунинг учун илмий тадқиқот иши раҳбаридан оралиқ ва жорий 
натижалар бўйича ахборотлар олиб, улар бўйича илмий тадқиқот 
иши боришини мунтазам равишда назорат қилиб бориш талаб 
қилинади. 
Улар қуйидагиларни ўз ичига олади: 

мавзу номи; 

мавзу раҳбари; 

мавзунинг мақсади; 

мавзунинг мазмун-моҳияти; 

мавзу бўйича жорий этилаётган фаол таълим усуллари (янги 
педагогик технологиялар, янги ахборот технологиялари, моделли 
таълим, модулли таълим ва ҳ.к.), яъни инновацион таълим; 

қўлланиладиган инновацион таълимнинг мақсади ва унинг
инновациявий хусусияти ҳамда қўлланилишидан ҳосил бўладиган 
натижа; 

мавзу бўйича тадқиқотни бошқаришга тавсиялар; 

тадқиқотни бошқаришга янги ахборот технологияларидан 
фойдаланишга тавсиялар; 

қўлга киритилган натижани тадқиқот мақсади нуқтаи 
назаридан таҳлил қилиш ва тадқиқотнинг кейинги босқичига ўтиш 
тўғрисида йўриқнома ва кўрсатмалар бериш. 
КЎРСАТМА: Ижодий жараённинг оптимал варианти илмий 
тадқиқот ишининг мақсадини аниқлаш, илмий тадқиқот ишини олиб 
боришни лойиҳалаш, режалаштириш ва технологик харита каби 
муҳим омиллар асосида қўлга киритилади. Шунинг учун улардаги 
уйғун (мантиқий) кетма-кетликка доимо эътибор бериш керак. 

---

226