Илмий тадқиқот асослари: 1000 саволга 1000 жавоб тошкент–2019

 
212 - САВОЛ: 
ВИРТУАЛ ЎҚУВ МАТЕРИАЛИГА НИМА-
ЛАР КИРАДИ? 
ЖАВОБ: Виртуал ўқув материали – ўрганилаётган объект, 
воқеа-ҳодиса, жараёнларни тушунтириш ва тушуниш учун 
қулайлаштирилган ҳолатда тасвирлаш ва ифодалаш асосида 
тайёрланган ўқув воситаси. Уларни компьютер воситасида турли 
фанлар ва мавзуларга доир анимациялаштирилган, мультипли-
кациялаштирилган, реал ёки стиллаштирилган тасвирлар кў-
ринишида ва зарур бўлган овоз, мусиқа иштирокида тайёрланади. 
КЎРСАТМА: Замонавий таълим технологияларини ишлаб 
чиқишни ўйлаган ҳар қандай тадқиқотчи қуйидагиларга эътибор 
берса яхши бўлади: 

микроблокларга кирувчи фанларнинг ўқув дастури 
орасидаги ўзаро боғланишларни таъминлаш; 

фаннинг блокларининг таъминлаш; 

блокнинг ўқув-услубий ва ўқув кўргазмали материалларини 
тайёрлаш; 

---

158 

ҳар блокнинг ўзлаштирилганлигини баҳолаш. 
 
213 - САВОЛ: 
ГИСТРОГРАММА ОРҚАЛИ НИМАНИ 
ИФОДАЛАШ МУМКИН? 
ЖАВОБ: Гистраграмма – бу текширилувчи белгиларнинг 
частотали 
тақсимланишининг 
“устунли” 
диаграммасидир. 
Гистограммаларни қуришда абсциссалар ўқида ўрганиладиган 
катталик кўрсаткичи жойлаштирилади. Ордината ўқида эса 
частоталар ёки текширилаётган танловда ушбу диапазон 
катталикларида учрайдиган нисбий частоталар жойлаштирилади. 
Агарда гистограммада нисбий частоталар акс эттирилса, унда 
ҳамма устунлар майдони бирга тенг бўлади. 
КЎРСАТМА: Илмий тадқиқот ишининг якунланганлигини 
аниқлагандан кейин ишни яхлитлигича яна бир бор баҳолаш 
керак, шу асосда ишнинг тайёргарлигига тўла баҳо бериб, 
хулосалаш керак. 
214 - САВОЛ: 
ГЛОБОЛИСТИКА ФАНИ ҚАНДАЙ ҚОНУ-
НИЯТЛАРНИ ЎРГАНАДИГАН ФАН? 
ЖАВОБ: Глоболистика – бу французча “glomal” умумий, 
лотинча “globus” – Ер курраси маъноларини англатиб, инсоният 
тараққиётининг энг умумий қонуниятларини илмий ва маънавий 
уйғунликда ўрганиш ҳақидаги фан.
Глобалистика фани инсоният тараққиёти ривожланишининг 
энг умумий қонунлари, унинг носфера (янги сфера) даврига ўтиш 
ҳаракати, жамият ва табиатнинг ўзаро таъсирлари уйғунлашуви 
ҳамда улар орасидаги ички уйғунликнинг ижтимоий - иқтисодий 
тизимлари, дунё иқтисодиёти ва энергетикаси ҳамда аҳоли 
сонининг барқарорликка ўтиши каби билимлар интеграцияси 
асосида шаклланади ва ривожланади. 
КЎРСАТМА: Замонавий тадқиқотларни олиб боришда 
албатта глоболистика фанининг методологик асосларидан ва 
уларга мос ахборот хизматидан фойдаланиш керак. Бу орқали 
илмий тадқиқот ишидаги сифат ва самарадорлик ошади. 

---

159